2022—2023-ўқув йилида «Kundalik» учун йиллик обуна тўлови 8000 сўмга туширилади, фойдаланувчиларга қулай бўлиши учун иккита пакет тақдим этилади: Kundalik ва PRO Kundalik.
«Kundalik» нархи 2022 йил 1-сентябрдан бошлаб йилига 8000 сўмга туширилади. Мазкур сумма учун www.kundalik.com веб-сайтида электрон кундалик билан ишлаш ёки Kundalik.Family мобил иловаси орқали унинг кенгайтирилган функцияларидан фойдаланмасдан ахборот хабарларини олиш мумкин. Шу билан бирга, «Kundalik» учун ҳар бир болага алоҳида тўлов амалга оширилади.
PRO Kundalik талқини нархи йилига 40 000 сўмни ташкил этади. Мазкур суммага сайтдаги электрон кундаликдан фойдаланиш ҳамда Kundalik.Family мобил иловасининг кенгайтирилган функциялари киради. PRO Kundalik обунаси учун тўлов амалга оширилганда оилавий фойдаланиш режими ёқилади. Натижада мактаб ҳаёти ҳақида батафсил маълумот олишни хоҳловчи барча қариндошлар ҳамда мактаб ўқувчилари Kundalik.Family иловасидан чекловларсиз фойдаланишлари мумкин бўлади.
Шунингдек, сиз PRO Kundalik пакетини бир ойга Play Market ёки AppStore’да 0,49 АҚШ доллари эвазига харид қилишингиз мумкин. Бунда фойдаланувчи илованинг веб талқини ва кенгайтирилган вариантларига кириш ҳуқуқига эга бўлади.
Илова ва сайтдаги обуна нархи PlayMarket ва AppStore’да валюта курсининг конвертацияси туфайли бироз фарқ қилиши мумкин. PlayMarket ва AppStore’га фақат Visa ёки MasterCard’дан фойдаланиб, телефонингиз созламаларига мос келадиган валютада обунани расмийлаштириш мумкин. Муқобил тўлов усуллари www.kundalik.com сайтида мавжуд. Ҳозирда обуна учун тўловни Давр Банк, Click ёки Payme тўлов тизимлари орқали, шунингдек, Davr mobile, Click Evolution, Payme мобил иловаларида Kundalik IDдан фойдаланган ҳолда тўлаш мумкин.
Тўлов бўйича кўрсатмалар қуйидаги ҳаволада: https://help.kundalik.com/hc/ru/articles/360016780060
Реклама ҳуқуқи асосида.
Изоҳ (0)