Олтин сотиб олиш – пул маблағларингизни инфляция, девальвация ва харид қобилиятини йўқотишдан ҳимоя қилишга ёрдам берадиган барқарор инвестиция вариантидир. Биз сизга олтин буюмларни қандай ва қаердан сотиб олишингиз мумкинлигини айтиб берамиз.
«Капиталбанк» АТБ оғирлиги 5 граммдан 50 граммгача бўлган олтин қуймаларини, шунингдек, Алишер Навоий таваллудининг 580 йиллигига бағишланган олтин тангаларни харид қилиш имкониятини тақдим этмоқда.
Олтин қуймалар
999,9 пробали соф олтиндан тайёрланган қуймалар сотувга 5, 10, 20 ва 50 грамм оғирликда махсус ҳимоя қадоқларида тақдим этилади. Олтин қуймаларнинг қадоқлари сертификат бўлиб хизмат қилади ва ўз серия рақамига эга.
Олтин қуймаларининг кунлик нархи Ўзбекистон Республикаси Марказий банки томонидан белгиланади:
● 5 граммли қуйма – 3 212 000 сўм;
● 10 граммли қуйма – 6 425 000 сўм;
● 20 граммли қуйма – 12 850 000 сўм;
● 50 граммли қуйма – 32 124 000 сўм.
(Нархлар 27.07.2022 ҳолатига кўра амал қилади).
Кун давомида олтин қуймаларининг сотилиш нархлари халқаро қимматбаҳо металлар бозоридаги конюнктурасидан келиб чиққан ҳолда Марказий банк томонидан қайта кўриб чиқилиши мумкин.
Олтин қуймаларини сотиш ва қайта сотиб олиш нархлари олтиннинг жаҳон баҳоси ҳамда Марказий банк томонидан белгиланган маржа ёки дисконт асосида шакллантирилади ва ҳар куни янгиланиб туради.
Олтин қуйма, олтин ва кумуш тангалар нархи билан Ўзбекистон Республикаси Марказий банки сайтида танишишингиз мумкин.
Тангалар
Олтин тангаларни сотиб олиш нафақат нумизматлар, балки сармоя киритишни хоҳлайдиганлар учун ҳам мукаммал ечимдир. Ахир, олтин тангалар юқори ликвидликка эга ва банкрот бўлолмайди ёки техник дефолтни тан олмайди. Ва агар зудлик билан пул керак бўлса, уни ҳар доим банк ёки тангаларни сотиб олиш билан шуғулланадиган ташкилот қайтариб сотиб олади.
Олтин буюмларни «Капиталбанк»нинг қуйидаги бўлинмаларидан харид қилинг:
● Марказий операцион бўлим, манзил: Тошкент шаҳри, Сайилгоҳ кўчаси 7. (Мўлжал - Бродвей)
● Операцион бошқарма, манзил: Тошкент шаҳар, Матбуотчилар кўчаси 32. (Мўлжал - «Шарқ» газета корпуси)
● Яшнаобод филиали, манзил: Тошкент шаҳар, Махтумқули кўчаси 1.
● Капитал Premium Банк хизматлари офиси, манзил Тошкент ш., Лашкарбеги кўчаси.
Олтин буюмларни сотиб олиш тартибига қўйиладиган талаблар:
● Шахсни тасдиқловчи ҳужжатсиз маҳсулот харид қилиш мумкин эмас;
● Битим фақат офлайн режимда амалга оширилиши мумкин, масофадан сотиш мумкин эмас;
Олтин қуйма ва тангаларни харид қилиш ҳақида батафсил маълумотни (+998 71) 200-15-15 телефон рақами орқали алоқа маркази операторларидан олишингиз мумкин.
«Капиталбанк» ижтимоий тармоқларда:
Facebook: https://www.facebook.com/kapitalbank.uz
Instagram: https://www.instagram.com/kapitalbank.uz
Telegram-канали: https://t.me/kapital24
Реклама ҳуқуқи асосида.
Изоҳ (0)