Президентнинг 2022 йил 30 апрелдаги «Ички туризм хизматларини диверсификация қилишга оид қўшимча чора-тадбирлар тўғрисида»ги қарорига мувофиқ Туризм ва маданий мерос вазирлиги ҳамда Солиқ қўмитаси ҳамкорлигида кэшбэк тизими тақдим этилади.
Мазкур тизимга кўра, 2022 йил 1 сентябрдан бошлаб «Ўзбекистон бўйлаб саёҳат қил!» дастури доирасида «Саёҳат қил ва кэшбэк ишла» шиори асосида республика ҳудудлари бўйлаб ички саёҳатларни амалга оширган Ўзбекистон фуқароларига харажатларининг бир қисми қайтариб берилади.
Бунинг учун:
- Soliq.uz мобил иловаси юклаб олинади;
- мобил илова хизматидан фойдаланиш учун FaceID орқали фуқаро шахси тизимда тасдиқланади;
- саёҳат йўналиши ва бошланиш санаси танланади;
- кэшбэкларни йиғиш учун фискал чекларни сканерлаш орқали авиа, темир йўл ёки автобус билетлари иловага киритилади;
- саёҳатдан сўнг «Саёҳатни тугатиш» тугмасини босиб, йиғилган кэшбэк суммалари шахсий маҳаллий банк пластик картасига ўтказилади.
Саёҳат харажатларини қайтариш саёҳат қилиш давомида бир вақтнинг ўзида қуйидагилар назарда тутилганда амалга оширилади:
- авиа, темир йўл ва автобусдан фойдаланиш;
- жойлаштириш воситалари хизматларидан фойдаланиш;
- маданият ташкилотларига ташриф буюриш.
- авиақатнов орқали бориб-келиш чиптаси нархининг 15 фоизи, лекин 150 минг сўмдан ошмаган миқдорда;
- темир йўлда ёки автобусда бориб-келиш чиптаси нархининг 15 фоизи, лекин 80 минг сўмдан ошмаган миқдорда;
- жойлаштириш воситасида тунаб қолиш харажатининг 15 фоизи, лекин 80 минг сўмдан ошмаган миқдорда; театр, музей, цирк ва бадиий галереяларга ҳар бир ташриф чиптаси нархининг 50 фоизи, лекин 20 минг сўмдан ошмаган миқдорда.
Мавзуга доир: Ўзбекистондаги зиёратгоҳлар рўйхати ягона миллий туристик ахборот порталига жойлаштирилди
Изоҳ (0)