Янги UZCARD карталари энди «Халқ банки»да

Жорий йилнинг март ойида UZCARD бош офисида «Сизнинг тезкор UZCARD картангиз» мавзусида катта матбуот анжумани бўлиб ўтди.

Анжуман доирасида компания вакиллари томонидан банк мижозлари учун NFC қўллаб-қувватлайдиган янги турдаги UZCARD карталарини бир зумда чиқариш имконини берувчи UZCARD тўлов тизимининг иштирокчи банклари учун мавжуд бўлган янги хизмат тури эълон қилинди.

Матбуот анжуманида таъкидланганидек, мижоз банкка мурожаат қилган вақтдан бошлаб картани чиқариш ва фаоллаштиришгача бўлган UZCARD картасини шахсийлаштириш жараёни тахминан 5 дақиқа давом этади. Янги намунадаги UZCARD карталари бўрттириб чиқарилган дуал карталар бўлиб, улардан NFC технологиясидан фойдаланган ҳолда ҳам контактли усулда, ҳам контактсиз усулда савдо нуқталарида тўловларни амалга ошириш, банкомат хизматларидан фойдаланиш, шунингдек, «бир марта тегиш» орқали жамоат транспортида тўловларни амалга ошириш мумкин.

UZCARD пластик карталарининг тақсимланган эмиссияси хизматини ишга туширган UZCARD тўлов тизимининг илгари эълон қилинган иштирокчи банклари рўйхати доимий равишда кенгайиб бормоқда. Эндиликда NFCни қўллаб-қувватлайдиган янги UZCARD карталарини Ўзбекистон бўйлаб «Халқ банки» филиалларидан ҳам олиш мумкин.

Айни вақтда UZCARD карталарини тезкор чиқариш қуйидаги банкларда мавжуд: «Ўзбекистон Республикаси ташқи иқтисодий фаолият Миллий банки» АЖ, «Агробанк» АТБ, «Асакабанк» АЖ, «АЦИА ALLIANCE БАНК» АТБ «Гарант банк» АЖ, «Давр банк»ХАТБ, «Ҳамкорбанк» АТБ, «Халқ банки» АК республика банк бўлинмасининг қарийб 50 фоизини қамраб олади.

UZCARD жамоаси тўлов тизимидаги иштирокчи банклар учун доимий равишда мижозларга хизмат кўрсатишнинг юқори даражасига ва янги истеъмолчилар тажрибасига эришиш учун ҳисса қўшадиган замонавий воситаларни ишлаб чиқиш йўлида фаол ҳаракат қилмоқда. 2023 йил охирига қадар компания мамлакатимизнинг барча банк филиалларини пластик карталарни тақсимланган эмиссия хизматига улаш орқали республиканинг барча фуқаролари учун янги бўрттириб чиқарилган тезкор ва қулай UZCARD карталарини олиш имкониятини таъминлашни режалаштирмоқда.

Реклама ҳуқуқи асосида.