Хитойнинг Сичуан провинцияси бутун мамлакат бўйлаб жазирама тўлқини кузатилаётгани сабабли электр тақчиллигини юмшатиш учун барча заводларни олти кунга ёпиб қўйишни буюрди. Бу ҳақда CNN хабар бермоқда.
Сичуан яримўтказгичлар ва қуёш панеллари саноати учун асосий ишлаб чиқариш жойидир. Қувватни тақсимлаш дунёдаги энг йирик электроника компаниялари, жумладан Apple, Foxconn ва Интелъга тегишли заводларга таъсир қилади.
Провинция, шунингдек, Хитойнинг литий қазиб олиш маркази — электр автомобиль аккумулаторларининг асосий компоненти ҳисобланади. Заводларнинг ёпилиши хом ашё нархини ошириши мумкин.
Хитойнинг ўнлаб шаҳарларида ҳарорат 40 даража Цельсийдан ошиб, олтмиш йилликдаги энг жиддий жазирама тўлқини кузатилмоқда.
Ҳаддан ташқари иссиқлик офис ва уйларда кондиционерларга талабнинг кескин ошишига олиб келди ва электр тармоқларига босим ўтказди.
Қурғоқчилик дарёлар суви даражасини ва ГЭСларда ишлаб чиқариладиган электр энергиясини камайтирди.
Аввалроқ дунё аҳолиси хавфли даражадаги юқори ҳароратга дучор бўлаётгани ҳақида хабар берилганди.
Изоҳ (0)