Ўзбекистон ИИВ Интерпол Миллий марказий бюроси ходимлари халқаро қидирувда бўлган Туркия фуқаросини экстрадиция қилди.
Интерполнинг Ўзбекистон ММБнинг хабар беришича, 1987 йилда туғилган ушбу шахс ўз ватани Бакиркой вилоятида жиноят содир этгани учун халқаро қидирувда бўлган. Анқаранинг Интерпол Миллий марказий бюроси талабига биноан ҳамда Интерполнинг Ўзбекистондаги Миллий марказий бюросининг тезкор ҳаракатлари туфайли июнь ойида Тошкентда қўлга олинган.
Ҳуқуқбузар судда жавоб бериши ҳамда жазога тортилиши учун чет эллик ҳамкасбларга топшириш масаласи ҳал этилгунга қадар қамоққа олинган.
Ўзбекистон Бош прокуратураси томонидан экстрадиция қилиш тўғрисидаги сўров қаноатлантирилгандан сўнг, Туркиядан кузатув гуруҳи Ислом Каримов номли халқаро аэропортга етиб келган ва шу ерда жиноятчи Интерполнинг Анқара Миллий марказий бюроси ходимлари қўлига топширилган.
Мавзуга доир:
- Ўта йирик ҳажмдаги ўғрилик содир этгани учун қидирувда бўлган ўзбекистонлик эркак АҚШдан экстрадиция қилинди
- Интерполнинг Ўзбекистондаги бюроси қирғизистонлик йирик фирибгарни қўлга олди
- Польша зўрлаганликда айбланаётган эркакни Ўзбекистонга экстрадиция қилди
- Ўзбекистонда фирибгарлик содир этгани учун халқаро қидирувда бўлган шахс Польшадан экстрадиция қилинди
Изоҳ (0)