Бугун,

  • USD 11095.31
  • RUB 173.84
  • EUR 10772.44

Кўзларнинг гўзаллиги ҳам генетик, ҳам атроф-муҳит омилларига боғлиқ. Уларни турли хил косметика воситалари билан бўямасдан жозибали кўринишга эга қилиш мумкин.

Фото: «Новий очаг»

Фото: «Новий очаг»

Биринчи усул: етарлича ухланг

Кўз остидаги қора доғлар пайдо бўлишининг асосий сабабларидан бири уйқусизликдир. Кечаси саккиз соат ухлашга ҳаракат қилинг. Ёруғлик ва бегона товушлар сизнинг уйқингизга халақит бермаслиги учун қоронғи, пардалар ва ёпиқ деразалар бўлган хонада ухлаб қолинг.

Иккинчи усул: кремдан фойдаланинг

Доимий намлаш терингизни юмшоқроқ қилади. Нозик тери учун махсус ишлаб чиқилган воситалар кўз остидаги шишишни камайтиришга ёрдам берадиган кофеин ва коллагенни ўз ичига олади. Кўз остидаги доғлар ва кўкаришлардан халос бўлсангиз, кўзларингизнинг визуал равишда катталашганини кўрасиз.

Фото: «Новий очаг»

Фото: «Новий очаг»

Учинчи усул: чарчоқни кетказинг

Табиий тониклардан фойдаланинг. Янги узилган бодринг бўлаклари, чой пакетлари ёки мойчечак қайнатмасини пахта ёстиқчалар ёрдамида кўз ва қовоқларингизга суртинг. Маҳсулотларни музлаткичда сақлашни унутманг.

Тўртинчи усул: қошларни тартибга келтиринг

Тартибли қошлар кўзларни янада жозибали қилади. Қайси қош шакли сизга мос келишини билиб олинг. Буни билиш учун сиз стилистга мурожаат қилишингиз ёки кўз қалами ёрдамида мустақил равишда турли вариантларни синаб кўришингиз мумкин. Қошларингизни ўз вақтида тердириб, уларнинг шаклига эътиборли бўлинг.

Бешинчи усул: киприкларингизни қайиринг

Бироз қайрилган киприклар ҳар доим эътиборни ўзига тортади. Махсус киприк букувчи воситалардан фойдаланинг ёки буни бошқа усулда амалга оширинг.

Олтинчи усул: компьютер қаршисида узоқ вақт ўтирманг

Бугунги кунда компьютерда кўп вақтимизни, ишда, суҳбатлар, янгиликлар, фильмлар томоша қилиш, дўстлар ва яқинлар билан мулоқот қилишда ўтказамиз. Узоқ вақт давомида экран қаршисида ўтириш кўз саломатлигига салбий таъсир қилади.

Еттинчи усул: кўзларингизни намланг

Агар кўзлар етарли даражада намланиб турмаса қичишиш юзага келади ва улар қизариб кетади. Кўп вақтингизни ўтказадиган хонада ҳавони намлантирувчи бўлиши керак. Бу кўзларнинг қуруқлашишини олдини олади. Кўзларингизни ювинг ёки қуруқ кўзлар учун қўлланиладиган махсус томчилардан фойдаланинг. Бундай ҳолда шифокор билан маслаҳатлашинг.

Фото: «Новий очаг»

Фото: «Новий очаг»

Саккизинчи усул: ёмон одатлардан воз кечинг

Организмни сувсизлантирадиган спиртли ичимликларни истеъмол қилиш терига, айниқса кўп намликни талаб қиладиган кўз атрофига зарар етказиши мумкин. Чекиш ҳам кўзларга салбий таъсир қилади, чунки тамаки тутуни шиллиқ қаватларда қичишиш хусусиятини келтириб чиқаради.

Тўққизинчи усул: етарлича суюқлик ичинг

Сув нафақат инсон танаси учун, балки кўз учун ҳам фойдалидир.

Ўнинчи усул: қуёшдан ҳимоя қилувчи кремдан фойдаланинг ва қуёшдан сақлайдиган кўзойнак тақинг

Тери саломатлиги учун уни қуёшдан ҳимоя қилиш жуда муҳим. Қуёш терини қуритади, бу эса кўз атрофида ажинлар пайдо бўлишига олиб келади. Кўзларингизни ультрабинафша нурларининг зарарли таъсиридан махсус кўзойнаклар билан ҳимоя қилишни унутманг.

Мавзуга доир: 

Изоҳ
Asosiy yangiliklar
Маҳаллий
Ўзбекистоннинг турли ҳудудларида электр таъминотида чекловлар киритилади
Дунё
«Дарё» кундалигида 5 декабрда содир бўлган энг муҳим воқеалар
Маданият
«Икки ўғлим АҚШда таҳсил олади, уларнинг санъат йўлидан кетишини истамадим». Анвар Санаев фарзандлари ҳақида (видео)