Бугун,

  • USD 11095.31
  • RUB 173.84
  • EUR 10772.44

Яна бош оғриғими? Оғриқ қолдирувчи ва спазмолитик дориларнинг яна бир қисмини ичишдан олдин ошхонага бориб, у ерда нима борлигини кўриш тавсия этилади. Озиқ-овқат нафақат организм учун ёқилғи, балки ҳар бир маҳсулот кимёвий лаборатория ҳисобланади. Marie Claire нашри бош оғриғини  бартараф этишда ёрдам берадиган маҳсулотлар кетма-кетлигини тақдим этди.

Фото: Marie Claire

Фото: Marie Claire

Аввало қандай бош оғриғи безовта қилаётганини ҳал қилиш керак. Унинг жуда кўп сабаблари бор ва уларнинг ҳаммаси ҳам зарарсиз эмас. Кўпинча мия ҳужайраларида кислород етишмаслиги, сувсизланиш, мия томирлари ва бош атрофидаги мушакларнинг спазмлари туфайли оғриқ келиб чиқади. Фақат бу ҳолатларда вазиятни дорилар билан эмас, балки янада зарарсиз воситалар ёрдамида тузатиш мумкин.

Магнийга бой маҳсулотлар

Фото: Marie Claire

Фото: Marie Claire

Магний қон томирларининг сиқилиши билан боғлиқ бош оғриғини енгиллаштириши исботланган. У қон томирларига таскин берувчи таъсир кўрсатади, бу мияда қон айланишини яхшилайди ва натижада мия ҳужайраларини кислород билан тўйинтиради. Агар но-шпа каби дорилар одатда бош оғриғига яхши таъсир қилса, магнийга бой нарсаларни истеъмол қилиш мумкин.

Буларга кешю ёнғоқлари, гречка, қарағай ёнғоқлари, бодом, қуритилган ўрик, банан, авокадо, кунгабоқар уруғлари ва жигарранг гуруч каби маҳсулотлар киради.

Калийга бой маҳсулотлар

Фото: Marie Claire

Фото: Marie Claire

Агар организм сувсизланса, биринчи навбатда калий танқислиги вужудга келади. Бундан ташқари, агар оз сув ичиш одати бўлса, унда организм ва мия сурункали сувсизланишдан азият чекади, натижада қон ва лимфада калий етишмаслиги мумкин. Агар кунига бир ярим литрдан камроқ сув ичилса ва тез-тез бош оғриса, сабабни сувдан излаш лозим. Аниқроғи, унинг организмда етишмаслигидан. Шунингдек, калийга бой овқатлар ҳам бу масалада ёрдамга келиши мумкин.

Кўпинча бош оғриғида пиширилган картошка (пўстлоғи билан бирга) тавсия этилади. Бош оғриғини енгиллаштириш учун иккита ўртача картошка етарли бўлади. Сув ичиш билан боғлиқ бош оғриғи учун апельсин ейиш ва бир стакан сув ичиш кифоя.

Қора чой билан шакар

Фото: Marie Claire

Фото: Marie Claire

Шакарли қора чой бош оғриғи учун универсал воситадир. Умуман олганда, бу ажойиб ичимлик шакар билан ичилмаса ҳам, бош оғриғини бартараф этади. Гап шундаки, чой баргларига шакар қўшилиши ундан катехинларнинг — аналгетик ва микробларга қарши таъсирга эга бўлган моддаларнинг чиқарилишига ёрдам беради. Агар бош оғриғи сувсизланиш туфайли бўлса, шакар қўшилган чой икки баравар яхши танловдир.

Кальцийга бой маҳсулотлар

Фото: Marie Claire

Фото: Marie Claire

Бош оғриғининг манбаи бош суяги ичидаги жараён эмас, балки уни ўраб турган мушакларда бўлиши ҳам мумкин. Гўёки бутун бош оғриётгандек туйилади, лекин аслида мушакларда спазм юз беради. Бундай оғриқлар одатда организмдаги кальций етишмаслиги билан боғлиқ. Ушбу элементнинг етишмаслиги нерв-мушакларнинг қўзғалувчанлигининг бузилишига ва натижада мушакларнинг спазмига олиб келади. Айтганча, қондаги кальций даражасининг пасайиши ҳайз бошланишидан олдин аёлларда бош оғриғининг сабабларидан биридир.

Бундай бош оғриғини енгиллаштириш учун биринчи навбатда сут, кам ёғли творог, табиий йогурт, ферментланган сут ёрдам беради. Бир нечта кальций таблеткалари ҳам оғриқни қолдириши мумкин. Лекин дори воситалари ўрнига уларнинг табиий муқобили тавсия этилади.

Аёлларга эслатма

Фото: Marie Claire

Фото: Marie Claire

Тез-тез бош оғриғи ва мигрен аёлларда эстроген гормони даражасининг пасайиши билан боғлиқ бўлиши мумкин. Албатта, бу эндокринологга бориш учун сабабдир. Аммо оғриқни енгиллаштирадиган тезкор восита сифатида эстрогенларга ёғ кислоталари ва Э витаминига бой маҳсулот мос келади. Биринчи навбатда, булар зиғир, кунжут уруғлари, соя, ловия, қизил икра, зайтун мойидир. Фито-эстрогенларнинг яхши манбаи олма ҳисобланади. Шунинг учун бу маҳсулотларни етарли даражада мунтазам истеъмол қилиш тавсия этилади.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди