Bosh tez-tez og‘risa, qanday yo‘l tutish kerak?

Agar tez-tez bosh og‘rig‘i bezovta qilsa, bu muammoning sababini, albatta, izlash kerak. Bosh og‘rig‘iga shunchaki sabr qilib bo‘lmaydi yoki og‘riq qoldiruvchi vositalar bilan muammoning asl sababi bartaraf etilmaydi. Sog‘liq bilan bog‘liq muammolarni e’tiborsiz qoldirmaslik kerak, chunki bosh og‘rig‘i yordamida organizm ba’zi muammolar haqida signal berayotgan bo‘lishi mumkin, deb yozadi Wday.

Har bir inson kamida bir marta bosh og‘rig‘ini boshdan kechirgan. Ammo agar bunday og‘riq davriy emas, balki muntazam bo‘lsa, u allaqachon jiddiy muammodan darak beradi.

Tez-tez bosh og‘rishining asosiy sabablari:

• Stress;
• Kuchli ma’naviy yoki jismoniy zo‘riqish;
• Uyqusizlik;
• Gormonal buzilishlar. Bu homiladorlik yoki menopauza paytida, organizm butunlay qayta tiklanganda paydo bo‘lishi mumkin.
• Ko‘zning zo‘riqishi. Bunga kompyuterda uzoq vaqt ishlash, 3D filmlarni tomosha qilish va hokazo sabab bo‘ladi.
• Uzoq muddat davomida dori qabul qilish. Bunday holda, bosh og‘rig‘i tabletkalarni qabul qilishni to‘xtatgandan keyin yana 2 hafta davom etishi mumkin.
• Boshning jarohatlanishi. Og‘riq shikastlanishning tabiatiga qarab 2 dan 8 haftagacha davom etishi mumkin.
• Semirib ketish;
• Meningit. Bu miya yoki orqa miya yallig‘lanishi. Bunday holda, boshdagi og‘riq ko‘ngil aynish, qayt qilish bilan birga keladi.
• Glaukoma. Optik nervlarning shikastlanishi. 40 yoshdan oshgan odamlarda bosh og‘rig‘ining umumiy sababi.
• Miya saratoni.

Aytgancha, bosh peshona qism bilan birgalikda og‘risa, buning o‘ziga xos sabablari bo‘lishi mumkin. Ko‘pincha bunday og‘riqlar gaymorit yoki frontit tufayli kelib chiqadi.

Agar tez-tez bosh og‘rig‘i kuzatilsa, nima qilish kerak va qaysi shifokorga murojaat qilish lozim?

Doimiy bosh og‘rig‘i bo‘lgan bemor tez-tez qiladigan birinchi narsa — bu og‘riq qoldiruvchi tabletkalarni qabul qilishdir. Biroq og‘riqni xalqona usullar bilan bartaraf etish yaxshiroq. Buning uchun yangi karam bargini peshonaga qo‘yish, mazali moychechak choyini tayyorlab, chakkalarni limon yoki lavanta efir moyi bilan ishqalash tavsiya etiladi. Bundan bosh og‘rig‘i kamayadi

Bosh og‘rig‘iga qarshi tabletkalarini noto‘g‘ri qabul qilish organizmga jiddiy zarar yetkazishi mumkin

Bosh tez- tez og‘riganda shifokor bilan maslahatlashish lozim. Yoki nevrologga murojaat qilish tavsiya etiladi, chunki ko‘pincha bunday og‘riqlar miya yoki orqa miya bilan bog‘liq muammolarni keltirib chiqaradi. Shuningdek, terapevtga tashrif buyurish ham mumkin va u mutaxassisga yo‘llanma yozib beradi.

Bunday bosh og‘rig‘ining sabablari ko‘p bo‘lishi mumkin va ularning aksariyati juda jiddiy. Shuning uchun faqat tabletkalar bilan cheklanib qolmasdan, vaqtida shifokorga tashrif buyurish kerak.