Европадаги рецессия хавфи 2020 йил ноябрь ойидан бери энг юқори деб баҳоланмоқда, келгуси 12 ой ичида иқтисодий пасайиш эҳтимоли 60 фоиз. Бу ҳақда Bloomberg хабар бермоқда.
Маълумотларга кўра, июль ойида экспертлар Европада рецессия эҳтимолини 45 фоизга баҳолаган бўлса, урушдан олдин февралда эса бу кўрсаткич 20 фоизга тенг бўлган.
Иқтисодчилар энг йирик Европа Иттифоқи иқтисодиёти — Германияда бу чоракда рецессия бошланишини тахмин қилмоқда.
Иқтисодий вазиятнинг ёмонлашиши, нархларнинг ошиши Россия электр энергияси билан боғлиқ муаммолар ва бир қатор Европа мамлакатларидаги қурғоқчилик билан содир бўлмоқда.
Буларнинг барчаси биргаликда Европада инфляциянинг ошишига олиб келмоқда.
Иқтисодчиларнинг фикрига кўра, 2022 йилда инфляция ўртача 8 фоиз атрофида бўлади, бу Европа Марказий банкининг 4 фоизлик чегарани башорат қилган кўрсаткичидан икки баравар юқори.
Аввалроқ дунёдаги беқарор вазият Ўзбекистон иқтисодиётига қандай таъсир кўрсатаётгани ҳақида хабар берилганди.
Изоҳ (0)