Бугун,

  • USD 11095.31
  • RUB 173.84
  • EUR 10772.44

Тошкент шаҳри Чилонзор туманида машинасида гашиш олиб юрган фуқаро қўлга тушди. Бу ҳақда шаҳар ички ишлар бош бошқармаси ахборот хизмати «Дарё»га маълум қилди.

Фото: Тошкент шаҳри ички ишлар бош бошқармаси

Фото: Тошкент шаҳри ички ишлар бош бошқармаси

Хабарга кўра, 10 август куни Чилонзор туманида гиёҳвандлик воситаларини қонунга хилоф равишда сақлаш ҳолати бўйича ҳамкорликдаги махсус тадбир ўтказилган. Жумладан, Қатортол кўчасида муқаддам судланган 38 ёшли О.Ш. тўхтатилган.

Холислар иштирокида текширилганда ёнидан кейинчалик сотиш мақсадида сақлаб келинаётган жами 107 дона пакетга қадоқланган, умумий оғирлиги 150 грамм гашиш гиёҳвандлик воситаси аниқланиб, ашёвий далил сифатида олинган. Шунингдек, унга тегишли бўлган автоустахонадан яна 17 дона пакетга қадоқланган умумий оғирлиги 10 грамм гашиш гиёҳвандлик воситаси аниқланиб, ашёвий далил сифатида олинган.

Фото: Тошкент шаҳри ички ишлар бош бошқармаси

Фото: Тошкент шаҳри ички ишлар бош бошқармаси

Текширув давомида ушбу гиёҳвандлик воситалари 36 ёшли С. томонидан кейинчалик сотиш учун О.Ш.га берилгани аниқланган. Олиб борилган тезкор тадбир натижасида у ҳам ҳуқуқни муҳофаза қилиш органлари ходимлари томонидан қўлга олинган.

Мазкур ҳолат юзасидан Чилонзор тумани ИИО ФМБ тергов бўлими томонидан Жиноят кодексининг 273-моддаси (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек, уларни қонунга хилоф равишда ўтказиш) билан жиноят иши қўзғатилган. Тергов давом этмоқда.

Изоҳ
Асосий янгиликлар
Спорт
“Барселона” “Атлетико” футболчисини харид қилса, Ансу Фати жамоадан кетишига тўғри келади 
Маҳаллий
Шавкат Мирзиёев трансформатор ишлаб чиқарувчи Aysel energy корхонаси фаолияти билан танишди
Маҳаллий
Тошкентдаги “Ипподромда” 2 бош от очликдан нобуд бўлди