Андижон вилоятининг Жалақудуқ туманида пора эвазига ҳамшираликка ишга киритиб қўймоқчи бўлган шахс ушланди. Бу ҳақда Бош прокуратура ҳузуридаги департамент хабар берди.
Департаментнинг Жалақудуқ туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда, туман Тиббиёт бирлашмаси бошлиғининг собиқ ўринбосари Х.Б. фуқаро Ш.ни танишлари ёрдамида ушбу бирлашмага қарашли поликлиникага ҳамшира вазифасига ишга киритиб қўйиш эвазига 1,5 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Мавзуга доир:
- Навоийда ҳамшираликка ишга киритиб қўйишни айтиб, фуқародан 5,5 млн сўм олган ҳисобчи ушланди
- Тошкент вилоятида тиббиёт ходимини бош шифокор ўринбосари этиб тайинлашга ёрдам бериш учун 1,3 минг доллар олган шахслар ушланди
- Сирдарё вилояти перинатал маркази ходимаси ишга жойлаштириш эвазига пора олаётганида қўлга тушди
Изоҳ (0)