«Манчестер Юнайтед» 30 йиллик омадсиз натижасини такрорлади

«Манчестер Юнайтед» АПЛнинг 2-тури доирасида «Брентфорд»га 0:4 ҳисобида имкониятни бой берди.

Шу тариқа манкунианликлар чемпионат стартидаги 2 турда ҳам мағлубиятга учради. Премьер Лиганинг 1-турида «қизил иблислар» «Брайтон»га 1:2 ҳисобида мағлуб бўлганди.

Сўнгги бор «Манчестер Юнайтед» АПЛнинг 1992/93 йилги мавсуми стартида 2 та кетма-кет мағлубият қайд этганди.

Ўшанда манкунианликлар якунда Англия чемпионига айланганди. Алекс Фергюсон «Манчестер Юнайтед» мураббийи сифатида илк титулни қўлга киритганди.

Манкунианликлар Англия Премьер Лигасининг кетма-кет 7-меҳмондаги ўйинида ғалаба қозона олмаяпти. 2021/22 йилги мавсум «Кристал Пэлас» (0:1), «Брайтон» (0:4), «Арсенал» (1:3), «Ливерпуль» (0:4), «Эвертон» (0:1) ва «Манчестер Сити»га (1:4) имкониятни бой берганди. «Қизил иблислар» сўнгги бор 1936 йилда Англия чемпионатида кетма-кет 10 та меҳмондаги баҳсда ғалаба қозона олмаганди.