Бугун,

  • USD 10940.05
  • RUB 182.26
  • EUR 11121.65

Машҳур Кардашьян-Женнер оиласининг бу вакили ҳақида жуда кўп нарса маълум. Бироқ «Lisa.ru» нашри дунёга машҳур қизнинг таржимаи ҳолига доир янги фактларни тўплади.

Олимпия чемпионининг қизи

Фото: Getty Images

Фото: Getty Images

Кайли Женнер 1997 йил 10 август куни Крис ва Брюс Женнер оиласида туғилган. Унинг отаси ёшлигида омадли спортчи эди: 1976 йилда у Монреаль Олимпиадасида олтин медални қўлга киритган ва ўз рекордини ўрнатган.

Болаликдаги қийинчиликлар

Кайли ўн ёшга тўлганда, унинг оиласи Америкада жуда машҳур бўлган «Кардашьянлар оиласи» шоусини ташкил қилишади. Қиз учун телевизор камералари ва кўпчиликнинг эътиборида бўлиш қийин бўлмаган, аммо у танқид ва салбий муносабатларга тоқат қилолмасди.

«Тахминан 9 ёшимда, шоуни суратга олишни бошлаганимизда одамлар устимдан кулиб, масхара қилишарди. Деярли ҳар куни ўзим ҳақимда ёмон гап эшитардим. Ва бу мени ўзгартирди. Менимча, аҳмоқ одамларнинг фикрларини тинглаганим учун ўзимнинг кўплаб яхши фазилатларимни унутмаганман», — дейди юлдуз.

Фото: Getty Images

Фото: Getty Images

Уйдаги таълим

Женнер нуфузли мактабда таҳсил олган, аммо ҳамма оилавий реалити-шоу ҳақида гапира бошлагач, унинг синфдошлари билан ўқишни давом эттириши қийин бўлди. Тез-тез танқид қилишлари ва устидан кулишлари унга ёмон таъсир қиларди. Шунинг учун ота-онаси уни уйда таълим олишига қарор қилишди.

Косметик бренд яратиш

2015 йилда Кайли ўзининг Kylie Cosmetics косметика тармоғини ишга туширди ва машҳур бўлиб кетди. Кейинчалик қиз буни ўзида мавжуд бўлган комплекслар туфайли яратганини айтади. У косметика у ва бошқа аёлларга ўзларига ишониш ҳамда ташқи кўринишдаги камчиликларга эътибор бермасликка ёрдам беришига ишонади.

Фото: Getty Images

Фото: Getty Images

Орзу қилган касби

Кайли бежизга косметика ишлаб чиқаришни бошламади. Гап шундаки, у доимо дўстлари ва яқинларига пардоз қилишни яхши кўрарди. Женнернинг айтишича, у бир вақтлар визажист бўлишни орзу қилган.

Макияжни ёқтирмайди

Аммо Кайли ўзи косметик воситалардан фойдаланишни ёқтирмайди. Бундан ташқари, кундалик ҳаётда пардоз қилмасликни афзал кўради, лекин омма олдида у макияжсиз кўриниш бермайди.

Фото: Getty Images

Фото: Getty Images

«Ў'зимни ҳар куни пардозда юриш учун ҳали ёшлик қиламан, деб ҳисоблайман. Ахир, бу тери учун зарарли. Лекин тез-тез турли тадбирларга, шоуларга бориб тураман. Ва, албатта, мен у ерда чиройли кўринишни хоҳлайман», — деб тушунтиради миллиардер.

Ёш миллиардер

Кайли дунёдаги энг бой қизлардан бири ҳисобланади. Бир неча йил олдин унинг бойлиги бир миллиард доллардан кўпроқ эди. Қизиғи шундаки, у бу борада ҳаттоки ўзи ишлаб топган пули бўйича машҳур опаси Ким Кардашьяндан ҳам ўзиб кетганди.

Реклама нархи

Женнер нафақат косметика, балки реклама орқали ҳам пул топади. Унинг ижтимоий тармоқларидаги пости 1 миллион долларга тенг.

Фото: Getty Images

Фото: Getty Images

Кумири

Маълум бўлишича, Кайли Леди Гагани жуда яхши кўради ва кўпинча унинг суратларидан илҳомланади. «Мен Леди Гага билан Александр Вангнинг мода кўргазмасида танишгандим. Ростини айтсам, уни жуда яхши кўраман. Ўшанда у менинг олдимга келиб: «Менимча, сен ажойибсан. Нима қилсанг ҳам, одамлар сени яхши кўради», деган. Яъни у менга бировлар учун ўзгармаслигим кераклигини айтган. Ўшандан бери аслимдек бўлишга ҳаракат қиламан», — дейди миллиардер.

Севимли камчилик

Женнер фотосуратларини фотошоп қилишни яхши кўради, лекин шу билан бирга, у оёғидаги катта чандиқни яширишга уринмайди. Кайли беш ёшлигида опаси билан бекинмачоқ ўйнаб, оёғини темирга уриб олиши оқибатида чандиқ қолган.

Фото: Getty Images

Фото: Getty Images

Орзу

Кайлининг энг катта орзуси фермер бўлиш деб ким ўйлабди дейсиз — фақат юлдуз ижтимоий ҳаётни тарк этишга ва тинч жойга боришга тайёр бўлгунга қадар.

«Баъзида 30 ёшга тўлганимда оилам билан Malibuдаги фермада яшашимни тасаввур қиламан. У ерда товуқ боқамиз. Олдимга қўйган навбатдаги вазифа — боғдорчиликни ўрганиш», — дейди Женнер.

Фото: Getty Images

Фото: Getty Images

Изоҳ
Асосий янгиликлар