Европа Чемпионлар Лигасининг плей-офф босқичи жуфтликлари маълум бўлди

Футбол бўйича Европа Чемпионлар Лигасининг плей-офф босқичида қатнашадиган жамоалар номи маълум бўлди.

Саралашнинг сўнгги босқичида 12 та жамоа олтита йўлланма учун кураш олиб боради. Жуфтликларда ғолиб чиққан жамоалар ЕЧЛ 2022/23 йилги мавсуми гуруҳ босқичига йўлланма олади.

• «Қорабоғ» (Озарбайжон) — «Виктория» Плзен (Чехия);
• «Будё-Глимт» (Норвегия) — «Динамо» Загреб (Хорватия);
• «Маккаби» Хайфа (Исроил) — «Црвена Звезда» (Сербия);
• «Копенгаген» (Дания ) — «Трабзонспор» (Туркия);
• «Динамо» Киев (Украина) — «Бенфика» (Португалия);
• «Рейнжерс» (Шотландия) — «ПСВ» (Нидерландия).

2021/22 йилги мавсум якунлари бўйича 26 та клуб тўғридан-тўғри йўлланмага эга бўлганди. ЕЧЛ 2022/23 йилги мавсумнинг гуруҳ босқичига 25 август куни қуръа ташланади.