Шахмат бўйича Ўзбекистон эркаклар терма жамоаси Ҳиндистонда ўтган Бутунжаҳон шахмат Олимпиадасида олтин медалга эга чиқди.
Нодирбек Абдусатторов, Жавоҳир Синдоров, Нодирбек Ёқуббоев, Жаҳонгир Воҳидов ва Шамсиддин Воҳидов мусобақадаги 11 тур давомида мағлубиятсиз серия қайд этиб, Олимпия ғолиблигини қўлга киритди.
Ушбу тарихий ҳодиса ижтимоий тармоқларда кенг муҳокамалар сабаб бўлди. «Дарё» Twitter тармоғида ўзбекистонлик шахматчиларнинг ғалабаси борасида билдирилган айрим фикрларни бир саҳифага тўплади.
Ғалаба онлари
Ўзбекистонликлар ғалабадан хурсандчилигини яшира олмади
«Дунё сени тоғангмас»
Бу ёрқин ғалаба чет элликларни ҳам бефарқ қолдирмади
«Шох ва мот! Ўзбекистоннинг орзулар жамоасини табриклаймиз. Ўзбекистон терма жамоаси ўзининг Олимпиададаги илк олтин медали йўлида бирорта ҳам мағлубиятга учрамади — ақл бовар қилмас натижа» — Тим Торлот, Буюк Британиянинг Ўзбекистондаги элчиси.
«Бу ёш йигитлар тарих яратди. 2700+ рейтинглик ўйинчига эга бўлмаган бу жамоа мусобақани 13-рақам (аслида 14 — изоҳ таҳ.) остида бошлаганди. Ўзининг моҳирона ҳаракатлари билан Ўзбекистон Ченнаи Олимпиадаси ғолибига айланди!».
«Ўзига хос томони шундаки совриндор бўлган Ҳиндистон, Арманистон ва Ўзбекистон вакилларининг барчаси ўз мамлакатида вояга етган. Улар юракдан қўрқмасдан курашди. Жамоавий руҳ ва бирдамлик жамоавий мусобақаларда, айниқса Олимпиадада жуда муҳим».
«Улар фаолиятининг бошланғич нуқтасида. Адашмасам, Ҳиндистонда яхши мураббийлар йўқ. Сиз ўзбекистонликларда эса мураббийлар кучли, гроссмейстерлар кўп.
Собиқ иттифоқ сўнгги 100 йилда шахматда доминантлик қилди ва сизларда ажойиб мураббийлар бор».
«Қизиқарли факт: Совриндор бўлган уч жамоа ҳам бошланғич рўйхатда топ-10 ликка ҳам кирмаганди: Ўзбекистон (14), Арманистон (12), Ҳиндистон-2 (11)».
«Иқтидорларга тўла ёш жамоа. 17 ёшли гроссмейстер Абдусатторов тезкор шахмат бўйича жаҳон чемпиони бўлганди, энди эса Олимпия чемпиони. Ажойиб мусобақа!».
Изоҳ (0)