Yevropa Chempionlar Ligasining pley-off bosqichi juftliklari ma’lum bo‘ldi

Futbol bo‘yicha Yevropa Chempionlar Ligasining pley-off bosqichida qatnashadigan jamoalar nomi ma’lum bo‘ldi.

Saralashning so‘nggi bosqichida 12 ta jamoa oltita yo‘llanma uchun kurash olib boradi. Juftliklarda g‘olib chiqqan jamoalar YCHL 2022/23-yilgi mavsumi guruh bosqichiga yo‘llanma oladi.

• “Qorabog‘” (Ozarbayjon) — “Viktoriya” Plzen (Chexiya);
• “Budyo-Glimt” (Norvegiya) — “Dinamo” Zagreb (Xorvatiya);
• “Makkabi” Xayfa (Isroil) — “Srvena Zvezda” (Serbiya);
• “Kopengagen” (Daniya ) — “Trabzonspor” (Turkiya);
• “Dinamo” Kiyev (Ukraina) — “Benfika” (Portugaliya);
• “Reynjers” (Shotlandiya) — “PSV” (Niderlandiya).

2021/22-yilgi mavsum yakunlari bo‘yicha 26 ta klub to‘g‘ridan to‘g‘ri yo‘llanmaga ega bo‘lgandi. YChL 2022/23-yilgi mavsumning guruh bosqichiga 25-avgust kuni qur’a tashlanadi.