Мактаб формасини жорий этиш кечиктирилиши бўйича тегишли қарорга тез орада ўзгаришлар киритилади. Бу ҳақда халқ таълим вазири Бахтиёр Саидов 8 август куни АОКАда бўлиб ўтган матбуот анжуманида айтиб ўтди, деб хабар бермоқда «Дарё» мухбири.
2022 йилнинг 27 июль куни халқ таълими вазири Бахтиёр Саидов ягона мактаб формасини мажбурий жорий этиш кечиктирилишини маълум қилганди. Аммо ҳозирга қадар бу борадаги ҳукумат қарорига ҳозирча ўзгариш киритилмаган.
Бахтиёр Саидов матбуот анжуманида ушбу ҳолат юзасидан изоҳ бериб, Вазирлар Маҳкамасининг қарори чиқиши учун ўзининг процедураси борлигини айтди.
Мен ҳам вазир сифатида ҳукумат аъзоси ҳисобланаман. Мен ҳам халқ таълими вазири сифатида, ҳам ҳукумат аъзоси сифатида ўша баёнотни бердим. Баёнотни берганим кенг жамоатчиликнинг хоҳиш-иродаси ва вазиятдан келиб чиқиб, қилинган баёнот эди.Тўғри, аввал қарор чиққан ва у кучга эга. Қайд этишим керак, Вазирлар Маҳкамасининг қарорининг лойиҳасини тайёрлаб, уни чиқариш учун озгина вақт талаб қилади.
Шундан келиб чиқиб, албатта, баёнотда гапирилган гаплар Вазирлар Маҳкамасининг бошқа қарорлар лойиҳаси киритилганда, албатта, ўзининг аксини топади.
Бу ҳали қилинмади демоқчимасман, қилиниб бўлган, яқинда эшитасизлар. Яъни бу баёнот қонуний тарзда ҳужжатда ҳам акс этади
Халқ таълим вазири, Бахтиёр Саидов
Изоҳ (0)