Yangi dastur CLICK interfeyslari orqali mablag‘ o‘g‘irligini deyarli yo‘qqa chiqaradi.
2021-yilda yurtimizda firibgarlik avjiga chiqdi. Karta orqali va kontaktsiz to‘lovlarning rivojlanishi insonlar ishonchidan foydalanib pul ishlovchi shaxslarning e’tiborini tortdi. Firibgarlik usullari esa turlicha – Call-markazlaridan soxta qo‘ng‘iroqlardan tortib, saytdagi mahsulot uchun kartaga pul o‘tkazish deya aldash. Ushbu muammoni yoritish bo‘yicha keng ko‘lamli ishlar olib borilishi hamda “firibgarlarning nayrangiga aldanib qolmang” mavzusida ko‘plab chop etilgan maqola va qoidalarga qaramay, firibgarlik holatlari kamaymadi.
Kompaniya firibgarlikning turli ssenariylari, mexanikalari hamda firibgarlar ta’sir o‘tkazishi mumkin bo‘lgan “zaif nuqtalar” taqdim etilgan barcha vaziyatlarni o‘rganib chiqish bo‘yicha keng ko‘lamda ish o‘tkazdi.
2022-yilning boshida CLICK 4 bosqichli himoyadan tashkil topgan “antifrod” dasturini ishlab chiqdi va sinov tizimida ishga tushirdi. Firibgarlikning yangi ssenariylari paydo bo‘lishini oldini olish maqsadida kompaniya yangi dasturning to‘liq funksionalini sir tutadi. Ammo, aytish mumkinki, dastur logikasi, mablag‘ni qo‘lga qiritish uchun firibgarlar begona CLICK akkauntiga ulanishiga asoslangan.
Bu ro‘y berganda, akkaunt egasiga birinchi navbatda yangi uskuna ulanganligi haqida xabar yuboriladi. Agar uni siz ulamagan bo‘lsangiz, yangi uskunani sozlamalarda “xavfsizlik” – “ishonchli qurilmalar” bo‘limida tezlik bilan mustaqil o‘chirishingiz mumkin.
Agar yangi uskuna o‘chirilmagan bo‘lsa, unda firibgarlar ssenariylariga o‘xshash harakatlar amalga oshirilsa, bir qator cheklovlar ishga tushiriladi. Masalan, pul o‘tkazmalarini cheklash. Ushbu cheklovlarni Call-markaziga qo‘ng‘iroq qilib va shaxsni tasdiqlovchi bir nechta savollarga javob bergan holda yechish mumkin. Shaxsni identifikatsiyalash funksiyasi ishga tushirilgandan so‘ng esa (funksiya tez orada mavjud bo‘ladi) shaxsni tasdiqlash va cheklovlarni yechish yanada tez va qulaylashadi. 3 oy davomida muvaffaqiyatli sinovdan va pul o‘g‘irlash holatlari minimal darajaga yetgandan so‘ng, CLICK yangi dasturni to‘liq ishga tushirmoqda.
Ayrim firibgarlar brend kuchidan foydalanish va shu orqali aldash maqsadida o‘zlarini CLICK xodimlari deb tanishtiradi. Ammo, mablag‘ni yechib olish uchun ular o‘zga ilovalardan foydalanadi. Bunday hollarda maxfiy SMS-kod boshqa ilovalar nomidan keladi. Bu kabi tafsilotlarga e’tibor bering. Chunki yangi himoya dasturi faqat CLICK tizimida ishlaydi.
Firibgarlar qanchalik ishontira oluvchi ekanini doimo esda tutishingizni va ogoh bo‘lishingizni so‘raymiz.O‘zingiz haqingizda shaxsiy ma’lumotni, bank kartalaringiz, PIN-kodlar va boshqa ma’lumotlarni hech kimga bermang. Zero, kompaniya qanchalik ko‘p chora ko‘rmasin, firibgarlarga qarshi eng a’lo qurol bu sizning shaxsiy mas’uliyatingiz va ogohligingizdir.
CLICK rasmiy sayti: https://click.uz/uzIjtimoiy tarmoqlarda CLICK rasmiy sahifalari: : Instagram | Facebook
Reklama huquqi asosida.
Izoh (0)