Бугун,

  • USD 11095.31
  • RUB 173.84
  • EUR 10772.44

Июль ойида «Ўзбекинвест» суғурта компаниясининг 14 нафар ҳудудий филиаллари раҳбарлари дунёнинг ўнта йирик қайта суғурталовчиларидан бири бўлган «Korean Reinsurance Company» (Korean Re) хамда «Hyundai Marine & Fire Insurance» (Жанубий Корея) компанияларига малака ошириш ва тажриба алмашиш курсларига юборилди.

Ҳудудий бўлимлар раҳбарларини ўқитиш Жанубий Кореянинг Сеул шаҳридаги «Korean Re» ва «Hyundai Marine & Fire Insurance» ўқув марказларида амалга оширилди. Компания мутахассислари Жанубий Кореянинг суғурта ва қайта суғурта бозорининг ривожланиш ҳолати, мол-мулк, жавобгарлик, муҳандислик суғурталари ва ахолига тақдим қилинаётган бошқа суғурта турларини батафсил ўрганди.

Тренинг якунлари бўйича «Korean Re» ва «Hyundai Marine & Fire Insurance» компанияларининг етакчи мутахассислари билан Ўзбекистонда суғурта бозорини ривожлантиришнинг долзарб масалалари, шунингдек, глобал ташқи омилларнинг суғурта соҳаси ривожланишига таъсири бўйича тажриба ва фикр алмашилди.

Компания худудий раҳбарларининг тажриба орттириш дастури дунёнинг иқтисодиёти ривожланган давлатлар ўнталигига кирувчи ва суғурта бозорининг хажми борасида Осиё қитъаси давлатлари орасида етакчилардан бўлган, аҳолисининг 94 фоизи икки ва ундан ортиқ суғурта полисига эга, ялпи ички маҳсулотининг 11,4 фоиз ҳажми билан суғурта мукофотлари миқдори бўйича дунёда 7-ўринни эгаллайдиган Жанубий Кореяда ташкил этилди.

Барча даражадаги мутахассисларнинг профессионал кўникмаларини узлуксиз ошириб бориш «Ўзбекинвест» компанияси фаолиятининг асосий йўналишларидан биридир. Шу мақсадда, тузилмалар ходимлари ва ўрта бўғин мутахассислари учун «Суғурта мактаби», бошқарув ходимларининг малакасини ошириш бўйича «Суғурта академияси» ҳамда суғурта агентларини тайёрлаш бўйича онлайн платформа фаолият кўрсатмоқда.

Шу йилнинг май ойида 14 нафар туман бўлимларининг энг самарали фаолият юритаётган раҳбарлари Прагадаги Ғарбий Богемия университетида (Чехия) малака ошириш курсларини тамомлади.

Туман бўлимлари раҳбарларининг навбатдаги гуруҳи жорий йилнинг сентябр ойида Прага шаҳрига амалиёт ўташ учун юборилади. Вилоят филиаллари раҳбарлари эса келаси йил бошида амалиёт ўташ учун Нью-Йорк шахрига, дунёнинг энг ривожланган суғурта бозорини ўрганиш учун АҚШга юборилади.

Изоҳ
Асосий янгиликлар
Маҳаллий
“Гуруҳларда ҳазил ёки киноя қилиб айтган гапларимни ҳам чиқариб юборадиган журналистлар бор” — Шоҳрух Ғиёсов
Маҳаллий
“Кўпчилик мени ёлғон маълумот тарқатганликда айблайди” — Шоҳрух Ғиёсов журналист ва блогерларнинг ўзига муносабати ҳақида гапирди
Маҳаллий
Қўшимча талаб этиладиган 37,5 минг тонна пиёз 1 апрелга қадар ички бозорларга киритилади