Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.
Актриса Дурдона Қурбонова Туркиянинг дунёга машҳур Галата қалъасида тушган суратини саҳифасига жойлади.
Зиёда фарзандларига ярим тунда шўрва пишириб бергани акс этган видеони мухлисларига кўрсатди.
Жавоҳир Зокиров охирги пайтларда саҳифасига чекиш билан боғлиқ суратларни жойлаштиргани учун танқидларга учрагани, бу айбловлар ноўрин эканини, бундан кейин чекиш соғлиққа зарар экани ҳақида постлар жойлашини айтган.
Бундан ташқари, Жавоҳир Зокиров Туркияда «Тоҳир ва Зуҳра» фильмида бирга суратга тушган актриса Паризода Бўрихўжаева билан тасодифий учрашиб қолгани акс этган видеони мухлисларига кўрсатди.
Жаҳонгир Позилжонов саҳифасига MMA жангчиси Маҳмуд Муродов билан бирга спорт билан шуғулланаётгани акс этган видеони обуначиларига намойиш қилди. У 7 йилдан бери спорт билан шуғулланишини таъкидлаган ва спортчига муваффаққият тилаган.
Равшан Собиров саҳифасига янги суратини жойлади ва энг мазали қаҳва йўлда ичилган қаҳва эканини айтган.
Актриса Раъно Шодиеванинг турмуш ўртоғи Тошкентга жўнаб кетди. Актриса фарзандлари билан турмуш ўртоғини кўзида ёш билан кузатди.
Раъно Шодиева янги суратини саҳифасига жойлади ва мухлисларига ҳаётга бўлган иштиёқ ҳеч қачон сўнмаслигини, у ҳар куни қуёш чиққанда пайдо бўлишини, ҳар бир ерга тушган барг, шабада нафаси охирги бўлиши мумкинлигини айтган.
Хонанда Имрон қизининг суратини юзи яширилган ҳолда саҳифасига жойлади. Унинг қизи Софиясултон 27 апрель куни дунёга келган эди.
Муниса Ризаева тез кунда янги таронасини премьера қилишини маълум қилди.
«Браво» кулги жамоасининг аъзоси Отабек Мирзахолов фарзандлари билан тушган суратини мухлисларига кўрсатди.
Нилуфар Усмонова Самарқанддаги ресторанда унга ўзгача таомлар тайёрлаб бергани учун бош ошпаз билан танишишга қарор қилди. Хонанда ошпазга миннатдорлик билдирган.
Нилуфар Усмонованинг ушбу видеосидан мухлислари уни олтинчи марта ҳомиладор эканлигини тахмин қилмоқда, бироқ хонанда буни рад этган.
Шаҳло Аҳмедова саҳифасига янги суратини жойлади.
Актриса Ситора Алимжонова Жаҳон тиллари университетининг инглиз филологияси факультетида таҳсил олган. У инглиз тилида гапиргани акс этган видеони саҳифасига жойлади.
«Браво» кулги жамоасининг аъзоси Шаҳло Зоирова янги сурати билан кўриниш берди ва Андижонда меҳридарё инсонларнинг тўйида хизматда бўлганини айтди.
Раққоса Паризода тўй хизматларининг бирида бошловчилик қилишга ҳозирлик кўраётгани акс этган видеони мухлисларига кўрсатди.
Дилноза Кубаева мухлисларига янги сурати билан кўриниш берди.
Актриса, телебошловчи Ситора Фармонова Гринвич турар жой мажмуасидан хонадон сотиб олди. У уйининг ҳовлиси ва унда қандай шароитлар борлиги акс этган видеони обуначиларига намойиш қилди.
Шахзода Муҳаммедова иш жойида тушган суратини саҳифасига жойлади ва орзу, меҳнат ва ҳаракат билан яхши натижага эришиш мумкинлигини айтди.
Актёр Улуғбек Қодиров Туркиядаги Султон Аҳмед масжидини зиёрат қилганини, Истанбулда кўплаб юртдошларни учратганини айтди ва мухлисларидан Туркиянинг қайси шаҳрида эканини сўради.
Хонанда Манзура ҳамкасби Дилдора Ниёзованинг хонадонига меҳмонга боргани акс этган видеони мухлисларига кўрсатди.
Шоҳжаҳон Жўраев қишлоққа тўй хизматига боргани акс этган видеони саҳифасига жойлади.
Мавзуга доир:
- Instagram: Равшан Комилов неварали, Маъруфхон Муҳаммедов фарзандли бўлди, Паризоданинг мухлисларига мурожаати, Ботир Имомхўжаев билан бўлган кўнгилсизлик
- Instagram: Синглисига машина совға қилган Муҳаммадзиё, яқин инсонидан айрилган Раъно Шодиева, «запрет»га тушган Шоҳрух Ҳамдамов
- Instagram: Тошкентга кўчиб келган Лола, Шоҳруххондан «юлдузли» премьера, қўрқувини енгган Дурдона Қурбонова
- Instagram: Аккаунти бузилган Паризода, туғилган кунида онасини йиғлатган Азиза Ёқубова, мухлисларига миннатдорлик билдирган Ҳамдам Собиров
Изоҳ (0)