Ижтимоий тармоқларда Тошкент шаҳри Янгиҳаёт тумани «Хушнуд» маҳалласидаги ариққа мушуклар жасади ва терилари ташлаб юборилгани ҳақида хабарлар тарқалди. Туман ҳокимлиги ҳолатга муносабат билдирди.
Маълум қилинишича, аслида у қолдиқлар қўйларнинг қолдиқлари бўлиб, маҳалла фуқаролари томонидан сўйилиб, ариққа оқизиб юборилган.
Мазкур ҳолатдан хабар топилгач, туман ободонлаштириш бўлими ходимлари томонидан ариқ тозаланиб, фуқароларга бундай ҳолатни такрорламаслик бўйича тушунтириш ишлари олиб борилган.
«Бундай ҳолатларнинг келиб чиқиши экология ва инсон саломатлигига зарар эканлигини инобатга олиб, фуқароларимиздан атроф-муҳит тозалигига бееътибор бўлмасликларини сўраб қоламиз», — дейилади хабарда.
Аввалроқ Андижонда ит ёш болалар олдида ваҳшийларча отиб кетилгани айтилганди. Шунингдек, Нукус яқинидаги полигонда 100 дан ортиқ ит-мушук жасади топилгани айтилган хабар юзасидан ўрганишлар якунлангани маълум қилинган.
Изоҳ (0)