«Барселона» бош мураббийи Хави Лионель Мессининг жамоага қайтиши ҳозирда иложсизлиги ҳақида гапирди.
Ҳозирда Мессини қайтариш иложсиз. Унинг «ПСЖ» билан шартномаси бор.Аввалроқ Хави «Барселона» президенти Хоан Лапортадан Мессини ортга қайтаришни сўрагани хабар қилинганди. Журналист Жерар Ромеро эса Месси ортда қолган мавсум давомида Хави билан мулоқотда бўлиб турганини маълум қилганди.Лионель футбол тарихидаги энг яхши футболчи, бироқ ҳозир у ҳақида гапириш мавриди эмас. Келажакда нима бўлишини кўрамиз. Хоан Лапорта Мессининг «Барселона» билан боғлиқ ҳикояси якунига етмаганига умид қилаётгани ҳақида гапирганди.
Хави, «Барселона» бош мураббийи
Эслатиб ўтамиз, Лионель Месси ва «Барселона» 2021 йилнинг ёзида янги битим борасида келишганига қарамай, молиявий ва тизимли тўсиқлар туфайли шартнома имзоланмади. Натижада аргентиналик футболчи «кўк-анорранглилар» сафини тарк этиб, «ПСЖ»га ўтганди.
Изоҳ (0)