Агар тез-тез бош оғриғи безовта қилса, бу муаммонинг сабабини, албатта, излаш керак. Бош оғриғига шунчаки сабр қилиб бўлмайди ёки оғриқ қолдирувчи воситалар билан муаммонинг асл сабаби бартараф этилмайди. Соғлиқ билан боғлиқ муаммоларни эътиборсиз қолдирмаслик керак, чунки бош оғриғи ёрдамида организм баъзи муаммолар ҳақида сигнал бераётган бўлиши мумкин, деб ёзади Wday.
Ҳар бир инсон камида бир марта бош оғриғини бошдан кечирган. Аммо агар бундай оғриқ даврий эмас, балки мунтазам бўлса, у аллақачон жиддий муаммодан дарак беради.
Тез-тез бош оғришининг асосий сабаблари:
- Стресс;
- Кучли маънавий ёки жисмоний зўриқиш;
- Уйқусизлик;
- Гормонал бузилишлар. Бу ҳомиладорлик ёки менопауза пайтида, организм бутунлай қайта тикланганда пайдо бўлиши мумкин.
- Кўзнинг зўриқиши. Бунга компьютерда узоқ вақт ишлаш, 3D фильмларни томоша қилиш ва ҳоказо сабаб бўлади.
- Узоқ муддат давомида дори қабул қилиш. Бундай ҳолда, бош оғриғи таблеткаларни қабул қилишни тўхтатгандан кейин яна 2 ҳафта давом этиши мумкин.
- Бошнинг жароҳатланиши. Оғриқ шикастланишнинг табиатига қараб 2 дан 8 ҳафтагача давом этиши мумкин.
- Семириб кетиш;
- Менингит. Бу мия ёки орқа мия яллиғланиши. Бундай ҳолда, бошдаги оғриқ кўнгил айниш, қайт қилиш билан бирга келади.
- Глаукома. Оптик нервларнинг шикастланиши. 40 ёшдан ошган одамларда бош оғриғининг умумий сабаби.
- Мия саратони.
Агар тез-тез бош оғриғи кузатилса, нима қилиш керак ва қайси шифокорга мурожаат қилиш лозим?
Доимий бош оғриғи бўлган бемор тез-тез қиладиган биринчи нарса — бу оғриқ қолдирувчи таблеткаларни қабул қилишдир. Бироқ оғриқни халқона усуллар билан бартараф этиш яхшироқ. Бунинг учун янги карам баргини пешонага қўйиш, мазали мойчечак чойини тайёрлаб, чаккаларни лимон ёки лаванта эфир мойи билан ишқалаш тавсия этилади. Бундан бош оғриғи камаяди
Бош оғриғига қарши таблеткаларини нотўғри қабул қилиш организмга жиддий зарар етказиши мумкин
Бош тез- тез оғриганда шифокор билан маслаҳатлашиш лозим. Ёки неврологга мурожаат қилиш тавсия этилади, чунки кўпинча бундай оғриқлар мия ёки орқа мия билан боғлиқ муаммоларни келтириб чиқаради. Шунингдек, терапевтга ташриф буюриш ҳам мумкин ва у мутахассисга йўлланма ёзиб беради.
Бундай бош оғриғининг сабаблари кўп бўлиши мумкин ва уларнинг аксарияти жуда жиддий. Шунинг учун фақат таблеткалар билан чекланиб қолмасдан, вақтида шифокорга ташриф буюриш керак.
Изоҳ (0)