Дунёдаги энг яхши паспортлар рейтингида Ўзбекистон бир поғона пастлади

Henley & Partners халқаро консалтинг компанияси Халқаро ҳаво транспорти ассоциацияси маълумотларига таянган ҳолда паспортларнинг глобал рейтингини тузди. 

Рўйхат паспорт эгалари визасиз кириши мумкин бўлган давлатлар сонига қараб тузилган. Мумкин бўлган мамлакатлар сони қавс ичида кўрсатилган.

10 та энг яхши паспортлар:

• Япония (193)
• Сингапур (192)
• Жанубий Корея (192)
• Германия (190)
• Испания (190)
• Финляндия (189)
• Италия (189)
• Люксембург (189)
• Австрия (188)
• Дания (188).

10 та энг ёмон паспорт:

• Афғонистон (27)
• Ироқ (29)
• Сурия (30)
• Покистон (32)
• Яман (34)
• Сомали (34)
• Фаластин (38)
• Непал (38)
• Шимолий Корея (40)
• Ливия (41).

Ўзбекистон рўйхатда бир поғона пастлаб, 88-ўринни эгаллади. Мамлакат фуқаролари 59 та давлатга визасиз киришлари мумкин. 

Марказий Осиё давлатлари орасида Ўзбекистон паспорти фақат Туркманистонникидан (97-ўрин) яхшироқ ўринни эгаллаган.

Бу борада энг яхши поғонани Қозоғистон қайд этди — 74-ўрин. Ушбу мамлакат фуқаролари 75 та давлатга визасиз кириш имконига эга.

Қирғизистонда (83-ўрин) бу кўрсаткич 64 та бўлса, Тожикистонда (87-ўрин) 60 мамлакат.