Кинотавсия: бўш вақтингизни мароқли ўтказишга ёрдам берадиган янги турк сериаллари
Туркия сериаллари экспорт бўйича АҚШдан кейин дунёда иккинчи ўринда туради ва унинг маҳсулотларини бутун дунё бўйлаб 650 миллион томошабин томоша қилади. Классик турк сериали бой эрнинг камбағал хотини ёки мафия ўйинлари ҳақида битмас-туганмас достондан иборат бўларди. Аммо бу концепция беш йил аввал мамлакатда стриминг хизматларининг пайдо бўлиши билан ўзгара бошлади. Энди турк сериаллари жамиятнинг ҳақиқий муаммолари ҳақида гапиришни, ўткир ижтимоий воқеаларни бир ёки икки фаслдан иборат сиқилган ҳажмга тўплашни ва томошабинни нафақат драма билан, балки бошқа жанрлар билан ҳам хурсанд қилишни ўрганди.
«Фи, Чи, Пи» (2017-2018, икки фасл, 22 қисм)
Режиссёр: Мерт Байкал
Ролларда: Озан Гувен, Серенай Сарикая ва бошқалар.
Сериал туркиялик ёзувчи Азра Кохеннинг бесцеллер бўлган трилогиясига асосланган бўлиб, машҳур психологнинг ёш, лекин ўта шуҳратпараст балеринага қандай ўралашиб қолгани ва уни таъқиб қила бошлагани ҳақида ҳикоя қилади, аммо ким кимдан фойдаланаётгани ва кимни манипуляция қилаётгани маълум эмас. Бу сериал дунёда ҳамма ақлдан озган ва жуда бахтсиз: ким ҳокимиятни хоҳлайди, ким шон-шарафни истайди, кимдир эса севгини. Фильм Истанбулнинг ажойиб манзаралари ва бош роллардаги машҳур актёрлар ижроси туфайли муваффақиятли чиққан.
«Шахсият» (2018, бир мавсум, 12 қисм)
Режиссёр: Онур Сайлак.
Ролларда: Ҳалук Билгинер, Жансу Дере, Метин Акдўлгер ва бошқалар.
Афсонавий турк актёри Ҳалук Билгинер тунда қотилга айланадиган Алцгеймер касаллигига чалинган қария роли учун халқаро «Эмми» мукофотига сазовор бўлди. Шовқинли ҳикоя атипик маняк ҳақидаги одатий драма сифатида бошланади, лекин унинг секин суръатига ишонманг. Қариянинг бундай хатти-ҳаракатларида асос бор: зўравонлик, ҳокимият, аёллар, жиноят, жамиятнинг адолатсиз тузилиши ва уни тузатиш учун бир неча кишининг ҳаракатлари етадими, йўқми — фильмни томоша қилиб жавоб топишингиз мумкин.
«Истанбулда учрашдик» (2020, бир мавсум, саккиз қисм)
Режиссёр: Беркун Оя
Ролларда: Ойкю Караел, Фотиҳ Артман ва бошқалар.
Netflix томонидан буюртма қилинган биринчи турк сериаллардан бири ва, албатта, ижодкорлар турклар ҳаётининг икки томонламалигини кўрсатишга муваффақ бўлган: бир шаҳарнинг ўзида пентҳаусларда бойлар ва гази йўқ уйларда камбағаллар яшайди, ҳар қандай ишни хожасининг гапига кўра бажарадиган рўмолли аёллар ва биринчи навбатда ўзларининг жинсий эркинлиги ва молиявий мустақиллигини қадрлайдиган баланд пошнали зодагон аёллар тасвирланади. Қисқа сериал икки дунёни бирлаштиради ва уларнинг аҳолисига бир-бирини кашф этишга ёрдам беради. Фаррош аёл Мерем тўсатдан узоқ вақт ҳушини йўқотишидан даволаниш учун терапевт Перининг олдига келади, аммо аслида ким шифокор, ким беморлиги ҳозирча аниқ эмас. Ҳақиқий драма томошабинни чуқурроқ ўйлашга ўргатади.
«Клуб» (2021..., бир мавсум, ўн қисм)
Режиссёр: Серен Юже
Ролларда: Гўкче Баҳодир, Барйш Ардуч, Солиҳ Бадемчи, Фират Таниш ва бошқалар.
Усмонлилар салтанатининг дастлабки йиллариданоқ ўша пайтдаги Константинополда турклар, арманлар, яҳудийлар, юнонлар ва турли халқларнинг вакиллари тинч-тотувликда яшаган. Аммо ХХ аср ҳамма нарсани ўзгартирди: 1940 йилларда жорий этилган ғайримусулмонлар учун жизя солиғи бадавлат юнон ва яҳудий оилаларни вайрон қилди ва 1955 йил сентябридаги қирғин эса Истанбулнинг кўп миллатлилигига барҳам берди. Фильм бош қаҳрамони истанбуллик яҳудий Матилда қотиллик учун қамалган ва ҳозир қизи Рейчел билан яқинроқ бўлиш учун Беёғлидаги тунги клубда ишлайди. Унинг атрофини кўп миллатли, мураккаб ва хавфли шаҳар қамраб олган.
«Қирмизи хона» (2020–2022, икки фасл, 61 қисм)
Режиссёр: Жем Каржи
Бош ролларда: Биннур Кая
Сериал машҳур турк ёзувчиси ва психологи Гулсерен Будаижиоғлунинг Истанбулдаги руҳий касалликлар клиникаси эгаси ва унинг беморлари ҳақидаги китоби асосида суратга олинган. Ҳар бир эпизодда реал воқеаларга асосланган янги ҳодиса содир бўлади. Ушбу фильмнинг сценарий муаллифи Гулсерен шунингдек, «Истанбуллик келин» ёки «Деразадаги қиз» сериаллар билан бирга кўплаб турк телевизион лойиҳалар муаллифидир. Ҳақиқий изтироблар ва реал ҳаётдаги сюжетларнинг бундай уйғунлиги сериалнинг кўп қиррали бўлишига ёрдам беради.
