Instabloger, vayner Erali Boyqobilov “Yashin TV” YouTube kanaliga bergan intervyusida oilasi, qayerlik ekani, bo‘yining uzunligi, oyiga qancha daromad topishi, biznesi, qo‘lida qancha inson ishlashi, “Basri Baba” restorani kimga tegishli ekani va aslida uni kim “ko‘targani” haqida gapirdi.
Vayner oilasi, qayerlik ekani, bo‘yining uzunligi va oyiga qancha daromad topishi haqida
“Oilada 6 kishimiz: dadam, onam, opam, akam, men va singlim. Opam turmushga chiqqan. Akam 21 yoshdan oshdi. Akamdan keyin men vayn olish bilan shug‘ullanyapman. Aslida surxondaryolikman, Qiziriq degan joyda yashayman.
Avval oyiga 100 000 000 so‘m topar edim, hozir esa 200 000 000 so‘m topaman. Ko‘p pullarimni kiyimga sarflayman, maqtanish emas, chunki mening narsalarim buyurtma bilan keladi. O‘lchamimni topish qiyin, yaqinda kostyum-shim tiktirdim, unga 2000 dollar pul ketdi.
Mening qo‘limda ishlaydigan insonlar juda ko‘p, hisoblasam 70 ga yaqinlashadi.
Bo‘yimning uzunligi 1 metr. Bo‘yim haqida hazil qilganlarga umuman e’tibor bermayman. Chunki katta-katta odamlardan ajralib turaman. O‘zimni yoqtiraman, biror narsaga bo‘yim yetmasa istasam olib berishadi” , — deydi instabloger.
Munisa Rizayeva sabab mashhurlikka erishgan Erali Boyqobilov biznesi, “Basri Baba” restorani kimga tegishli ekani va aslida uni kim “ko‘targani” haqida
“Biznesga keladigan bo‘lsak, ‘Basri Baba’ restoranida sherikchilikda ishlayman. Yaqinda ‘Basri Baba’ning yana bir filliali ochildi, undan qoladigan hamma foyda o‘zimniki. Restoran meniki, tojikistonlik vayner Abdurozikniki emas.
Akam orqali Toshkentga kelib qolganimdan keyin, bitta insonni uchratib qolganman. U inson menga uchta savol bergan, men o‘sha savoliga ota-onamni Haj safariga olib boraman, Toshkentda uy-joy qilaman, biznesim bo‘ladi deganman. Shundan keyin bu inson bilan yaqin bo‘lib ketdik. Meni yulduzlarning ortidan ko‘tarilgan deb aytishgani xato, shu natijaga erishishimga o‘sha inson sababchi, yulduzlar emas. Bu ustozim, prodyuserim Shuhrat aka” , — deydi Erali intervyusida.
Izoh (0)