«Бир куни ҳаммамиз қариймиз, юзимизга ажин тушади ва бу табиий ҳолат». Жаҳон киноси юлдузлари табиий гўзаллик ва ўзини борича қабул қилиш ҳақида (фото)

Қариш ҳар бир инсон ҳаётидаги мавжуд жараёндир. Бу кўплаб машҳурларнинг ҳаётига ўзгариш олиб кирадиган доимий саргузашт. Машҳурлар орасида яна шундай аёллар борки, уларни гўзаллик сира ҳам тарк этмайди. Шунингдек, улар ташқи кўринишдаги ўзгаришларни ҳам муносиб қабул қилади. AdMe нашрининг бугунги қаҳрамонлари табиий гўзаллиги билан томошабинлар қалбидан жой олган Голливуднинг машҳур аёлларидир.

Хелен Миррен

Хелен Миррен — жаҳон миқёсидаги косметик брендлардан бирининг юзи. У тез-тез фильтрсиз тушган суратлари билан мухлисларга ўзининг ҳақиқий гўзаллигини кўрсатади. Актриса ўзининг ҳақиқий қиёфасидан ғурурланади: «Мен чиройли қаришни хоҳламайман. Қариш — бу қувонч ва мен завқланадиган доимий саргузашт учун имкониятдир».

Жейми Ли Кертис

Жейми Ли Кертис — таниқли Голливуд актрисаси, у томошабинлар эслаб қолган бир қатор фильмларда рол ўйнаган. У қаришнинг табиий йўлини танлади ва унинг гўзаллиги ёшга қараб сўнмайди. «Биз луғатимиздан ‘қариликка қарши’ сўзини олиб ташлашимиз керак. Мен ақл-заковат, шаън ва қадр-қиммати билан қариш тарафдориман. Кексаликдан қочиш ниятим йўқ», — дейди Жейми.

Дрю Берримор

Дрю Берримор ҳали ҳам бошқалардан ажралиб турадиган мафтункор актрисадир. Унинг таъкидлашича, у юз пластик жарроҳлик амалиётини ўтказмаган «Биз ҳаммамиз қачондир қариймиз, танамиз ҳеч қачон бир хил бўлмайди ва бу табиий. Бу бизнинг ҳаётимизнинг бир қисми. Қанчалик улғайсам, ўзимнинг мавжудлигим ҳақида шунчалик кўпроқ биламан ва ўзимни шунчалик заиф ҳис қиламан, лекин бу ҳаётимнинг ҳар бир йилини янада кўпроқ қадрлашга мажбур қилади», — дейди Дрю.

Женнифер Энистон

Женнифер Энистон — машҳур актриса ва унинг табиий гўзаллиги кинематография классикасига айланган миллионлаб фильм ва сериаллар мухлислари эътиборидан четда қолмади. Жамоатчилик актрисадаги қаришнинг дастлабки белгиларини тезда пайқади, аммо бу уни бироз безовта қилмади: «Чиройли қомат ва ажойиб кўриниш ёқимли. Аммо бизнинг ҳужайраларимиз ва мушакларимиз кексаликда ҳам ривожланишдан тўхтамаслиги ҳам муҳимдир. Ҳозир мен соғлигим ҳақида кўпроқ ғамхўрлик қиляпман ва ўзимни яхши ҳис қиляпман», — дейди Жени. У гўзал кексайиш учун фаол ҳаёт тарзини олиб боради, овқатланишни назорат қилади, спорт билан шуғулланади ва ижобий фикрлаш тарафдори.

Кемерон Диаз

Кемерон Диаз ҳамма учун севимли ва ҳалигача ўзининг ёқимтойлиги билан мухлисларни ҳайратда қолдиради. Актриса гўзаллигининг ҳеч қандай сири йўқлигини айтиб ўтган: «Мен мутлақо ҳеч нарса қилмайман, баъзида юзимни ҳам ювмайман. Ҳеч қачон фойдаланмаган миллиардлаб маҳсулотим бор». У ташқи кўринишини диққат билан кузатишни тўхтатди ва қизи туғилиши билан бутун эътиборини оиласига қаратишга қарор қилди. Актриса шунчаки бахтли бўлишни ва ўзини макияжсиз қабул қилишни ўрганди.

Пенелопа Круз

Аксарият машҳурлар экранда энг яхши кўринишга эга бўлиш учун доимий ҳаракатда бўлади. Бироқ, «Оскар» совриндори Пенелопа Крузнинг фикри бошқача: «Ёшимни яширишни истамайман. Мен ҳайратга тушган барча актрисалар ихтиёрий равишда қаришни қабул қилган. Ўзингизга ғамхўрлик қилиш ва яхши ҳис қилиш жуда ажойиб».

Хелли Берри

Хелли Берри каби ажойиб актриса бўлиш осон эмас: у доимо диққат марказида. Бироқ, актриса ташқи кўриниши тез-тез танқид қилинишига қарамай, ўзини ҳурмат қилади. «Ҳаммамиз қариб қоламиз, ажинлар пайдо бўлади, бошқача кўринишга эга бўламиз. Мен юзим ва танам ўзгарганини кўраман, лекин менинг бахтим ва муваффақиятим ўзгармайди. Менимча, ҳақиқий гўзаллик фақат тана билан чегараланмайди», — дейди Хелли.

Кейт Уинслет

Кейт Уинслет кўплаб машҳур фильмларда рол ўйнаган. Йиллар ўтса ҳам актрисага нисбатан мухлислар муҳаббати камаймайди, лекин у бу ҳақда шундай ўйлайди: «Ўтган йилллар давомида мен юзимда аввалгидан кўра кўпроқ ўзгаришларни сездим, чунки мен ўзим билан кўпроқ ёлғиз қолдим ва ташқи кўринишимга диққат билан қарадим. Енгил тортиш учун мен ўзимдан розиман».