Бугун,

  • USD 11095.31
  • RUB 173.84
  • EUR 10772.44

Шри-Ланкада президенти вазифасини бажарувчи бош вазир Ранил Викрамасингхе мамлакатда давом этаётган норозилик намойишлари фонида фавқулодда ҳолат эълон қилди. Бу ҳақда Reuters агентлиги тегишли фармонга таяниб, хабар бермоқда.

Фото: Getty Images

Фото: Getty Images

Фавқулодда ҳолат «жамоат хавфсизлиги, жамоат тартибини муҳофаза қилиш ҳамда жамият ҳаёти учун зарур бўлган таъминот ва хизматларни таъминлаш манфаатларини кўзлаб» жорий этилган.

Ўтган ҳафта, собиқ президент Готабая Ражапакса мамлакатни тарк этганидан сўнг ҳам Викрамасингхе фавқулодда ҳолат эълон қилган эди. Расмийлар аввалги фармонни қайтариб олганми-йўқми, унинг муддати тугаганми ёки Викрамасингхе 15 июль куни қасамёд қилганидан кейин фармонни қайта чиқаришга қарор қилганми, номаълум дейди агентлик.

Раждапаксанинг мамлакатни тарк этгани ҳақидаги хабарлар 12 июль куни пайдо бўлди, икки кундан кейин унинг истеъфоси расман қабул қилинди. Викрамасингхе собиқ президентнинг сафдоши ва доимий асосда давлат раҳбари лавозимини эгаллашга асосий даъвогар ҳисобланади. Бироқ, унинг тайинланиши янги тартибсизликларни келтириб чиқариши мумкин, чунки намойишчилар унинг ҳам кетишини талаб қилмоқда, деб таъкидлайди Reuters. Викрамасингхе аввалроқ парламентдаги партиялар томонидан янги ҳукумат тузилганидан кейин истеъфога чиқишига ваъда берган эди.

Шри-Ланкада норозилик намойишлари иқтисодий инқироз фонида баҳорда бошланган. Апрель ойида расмийлар валюта етишмаслиги туфайли зарурий товарларни импорт қилиш билан боғлиқ муаммолар ортидан ташқи қарзни тўламаган. 9 июль куни намойишчилар давлат раҳбарининг расмий қароргоҳини эгаллаб олди, тартибсизликлар давомида ўнлаб одамлар яраланди.

Изоҳ
Асосий янгиликлар
Маҳаллий
Дунё
Совуқ урушни расман якунлаган Буш ва Ельцин, Францияга қочиб кетган машҳур режиссёр — Роман Полански ва “Буюк голланд тошқини”. Кун хронологиясида 1 февраль
Бизнес
Кремний водийсини забт этган ўзбекистонлик ҳуқуқшунос: Асрор Арабжонов АҚШга қандай бориб қолгани, виза ва стартаплари ҳақида