Ўзбекистон Олий ва ўрта махсус таълим вазирлиги 2022/2023-ўқув йили учун талабалар ўқишини кўчириш бўйича аризалар қабул қилиш бошланганини эълон қилди.
Маълум қилинишича, республика олий таълим муассасаларига талабалар ўқишини кўчириш, қайта тиклаш бўйича аризалар қуйидаги электрон тизимлар орқали қабул қилинади:
- transfer.edu.uz — республиканинг бир ОТМдан бошқа ОТМга ёки бир ОТМ доирасида;
- my.dtm.uz — хорижий ва нодавлат олий таълим муассасаларидан.
Керакли ҳужжатлар:
- ариза (онлайн тарзда)
- транскрипт ёки рейтинг дафтарчаси (JPG ёки PDF шакли)
- академик маълумотнома (ўқишни тикловчилар учун).
Вазирлик хабарида таъкидланишича, хориждан ўқишни кўчириш билан боғлиқ ноқонуний ҳолатларнинг олдини олиш мақсадида тестлар якунига етгач, ҳужжатлар қайта текширилади. Агарда ушбу жараёнда сохта ҳужжатлар аниқланган, олий таълим муассасасида қарздорликлар мавжуд бўлса, талаба ўтиш балидан юқори балл тўплаган тақдирда ҳам унга ўқишни кўчиришга рухсат этилмайди.
Изоҳ (0)