Супер Ой ҳодисасини 13 июль тунда кузатиш мумкин бўлади

Бугун, 13 июль куни тунда Супер Ой ҳодисасини кузатиш мумкин.

Ой Ерга энг яқин нуқтасини кесиб ўтганидан атиги тўққиз соат ўтиб, Ой тўлишади, астрономлар бу ҳодисани Супер Ой деб аташади.

Шу куни Ой билан боғлиқ иккита муҳим астрономик ҳодиса рўй беради: бу перигей ва тўлин Ой.

Астрономларнинг тушунтиришича, перигей — Ойнинг Ерга минимал масофада яқинлашган пайтдаги орбитадаги нуқта. 2022 йилда бу ҳодиса 13 июль куни Тошкент вақти билан 14:09 да содир бўлади — шу вақтда Ер сайёрасидан унинг сунъий йўлдошигача атиги 357 минг километрдан бир оз кўпроқ масофа бўлади. Тўлин Ой ҳодисаси эса Тошкент вақти билан 23:38 га тўгри келади.

Супер Ой — бу тўлин Ойнинг Ерга 362 минг километрдан камроқ масофада яқинлашиши ва тўлин Ойнинг Ой перигейидан ўтган пайтдан бошлаб уч кундан камроқ фарқ билан содир бўлиши. Перигей ва тўлин Ойнинг ўзаро мос келиши ҳар йили содир бўлади, аммо улар орасида тўққиз соатдан кам вақт бўлган ҳолатлар камдан кам учрайди.