Соғлиқни сақлаш вазирлиги онкологик касалликка чалинганлар эмланиши мумкинлиги ё мумкин эмаслиги бўйича маълумот берди.
Қайд этилишича, COVID-19 инфекцияси онкологик касалликка чалинган беморларда жуда оғир ўтади. Шу боис Жаҳон соғлиқни сақлаш ташкилоти томонидан онкологик хасталиклар билан оғриётган беморларни коронавирус инфекциясига қарши эмлаш зарур, деб белгиланган.
Шифокор Эъзозбек Ризаевнинг айтишича, бунда тиббий муолажалар турига эътибор қаратиш лозим.
«Яъни, агар беморда кимё ёки нур терапияси курси ўтказиладиган бўлса, эмлаш ушбу муолажадан аввал қилиниши зарур.
Сабаби бу тиббий муолажалар инсон организмида иммун тизимининг кучсизланишига олиб келади. Натижада бу пайт бемор вакцина олганида танада коронавирус инфекциясига қарши жавоб реакцияси — антитаначалар ишлаб чиқарилиши паст бўлади.
Демак, онкологик касалликларга чалинганлар COVID-19 ни енгил ўтказиши учун ҳам эмланиши зарур», — дейди у.
Изоҳ (0)