Навоий вилоятининг Хатирчи туманида 30 бошдан зиёд қўйни номаълум ҳайвон бўғизлаб кетгани ҳақида хабарлар тарқалди. Вилоят Экология бошқармаси ҳолат юзасидан расмий маълумот берди.
Маълум қилинишича, 9 июлдан 10 июль кунига ўтар кечаси Хатирчи тумани «Янгирабод» МФЙда истиқомат қилувчи фуқароларга тегишли бўлган қўй-эчкиларга шоқол (чиябўри) томонидан ҳужум қилинган.
Мазкур ҳодисанинг келиб чиқиш сабаблари туман ИИБ, туман ветеренария бўлими, туман СЭОМ бўлими ҳамда туман ободонлаштириш бўлими масъул ходимлари томонидан ўрганилмоқда. Айни пайтда туман ветеренария бўлими ходимлари томонидан 15 бош қўй-эчкиларга нисбатан даволаш ишлари олиб борилмоқда.
«Шу ўринда фуқароларга ортиқча ваҳима ҳамда хавотирга берилмасликларини таъкидлаб ўтамиз. Ҳозирда шоқол (чиябўри) ни тутиш учун барча таъсир чоралари кўрилган бўлиб, мазкур ҳолат юзасидан туман ИИБ ходимлари томонидан қўшимча суриштирув ишлари олиб борилмоқда», — дейилади хабарда.
Изоҳ (0)