Bugun,

  • USD 11095.31
  • RUB 173.84
  • EUR 10772.44

Keraksiz buyumlar yillar davomida sezilmas tarzda to‘planadi. Oshxona javonlari va shkaflardagi bo‘sh joyning asosiy ulushini tashlab yuboriladigan narsalar egallaydi.

AdMe nashri qaysi uy-ro‘zg‘or buyumlarini tashlab yuborish yoki zamonaviyroqlari bilan almashtirish kerakligi haqida ma’lumot beradi.

Oshxona anjomlari uchun taglik

Foto: AdMe

Foto: AdMe

Dastlab bunday taglik g‘oyasi juda zo‘r edi: suv pichoqdan vertikal holatda oqardi. Qurigandan so‘ng, ularni darhol shkafga solib qo‘yish kifoya edi. Ammo amalda taglik tez-tez mog‘orlay boshladi, qurilma qulay bo‘lsa-da, uning ichida mikroblar ko‘payish ehtimoli ko‘p .

Sous idishi

Foto: AdMe

Foto: AdMe

Sous idishi garchi chiroyli ko‘rinishga ega bo‘lsa-da, javonda qo‘shimcha joy egallaydi. Bunday idishdan eng keng tarqalgan sous — ketchupni quyish ham noqulay. Bundan tashqari, ko‘pincha paketdagi tayyor souslar ishlatiladi.

Sovutkich javonidagi souslar

Foto: AdMe

Foto: AdMe

Sovutkichni tekshirib ko‘ring — shubhasiz, uning eshigida joylashgan souslar olinganiga yillar bo‘lmasa-da, oylar bo‘lgandir. Kamdan kam hollarda souslarning saqlash muddatiga e’tibor beriladi, aslida ochilgan idish 1 oydan 6 oygacha saqlanishi mumkin.

Qisqichli kiyim ilgichlar

Foto: AdMe

Foto: AdMe

Do‘kon javonlari turli xil kiyim ilgichlar bilan to‘la: yog‘och, plastmassa, temir. Shim osib qo‘yish mumkin bo‘lgan alohida qisqichli kiyim ilgichlar ham bor. Bunday qisqichlar matoda iz va burmalarni qoldiradi, keyin ularni ketkizish qiyin. Mutaxassislar shimlarni oddiy ilgichga osib qo‘yishni tavsiya qiladilar.

Maishiy texnika qutilari

Foto: AdMe

Foto: AdMe

Odatda uy-ro‘zg‘or buyumlari uchun kafolat 1-3 yil ichida tugaydi, lekin ularning qutilari yillar davomida shkafda joy egallaydi. Darhaqiqat, ularni umuman saqlash shart emas — kafolat shartlarini o‘qing. Ko‘pgina ishlab chiqaruvchilar qurilmalarni qadoq qutilarisiz qabul qiladi, kafolat talonining o‘zi yetarli.

Hammomdagi javon

Foto: AdMe

Foto: AdMe

Yuvinish xonasidagi javon tezda toza ko‘rinishini yo‘qotadi, zanglaydi va faqat behuda joy egallaydi. Agar sizga bunday buyum kerak bo‘lsa, pastki qismida teshiklari bo‘lgan plastmassadan foydalangan ma’qul: uni olish ham, yuvish ham oson. Kosmetikalarni iloji boricha hammomda saqlamang: issiqlik va namlik ta’sirida holati yomonlashadi.

Oshxona sochig‘i

Foto: AdMe

Foto: AdMe

Oshxona sochig‘ini bir necha kunda, iloji bo‘lsa kunora o‘zgartirish kerak. Bunday buyumda bakteriyalar ko‘p bo‘ladi  Sochiq bilan nafaqat nam qo‘llar, balki hamma narsa: stol, boshqa yuzalar, idishlar artiladi. Buning o‘rniga, bir marta ishlatiladigan mato va qog‘oz sochiqlardan foydalangan yaxshi.

Metall gubka

Foto: AdMe

Foto: AdMe

Avvallari metall gubka oshxonada ajralmas yordamchi edi. Bu kostryulkalar va idishlarni tozalashni osonlashtiradi. Ammo endi do‘konda yog‘ ketkizadigan boshqa vositalar ko‘p. Bunday metall buyumlar kostryulkalarning nozik qoplamasini chizib, buzadi.

Izoh
Asosiy yangiliklar
Mahalliy
Toshkentda Turkiyadagi zilziladan jabr ko‘rganlar uchun yordam qabul qilinmoqda
Shou-biznes
Qashshoq oilada tug‘ilgan bo‘lsa ham, hayotda o‘z o‘rniga ega bo‘lishni uddalagan Gollivud yulduzlari (foto)
Dunyo
“Stalindan keyingi ikkinchi odam” — Malenkovning hokimiyatdan chetlatilishi, boshi tanasidan judo etilgan Shotlandiya qirolichasi va Kanadada to‘qnashgan ikki poye...