Агар сиз ширинликхўр бўлсангиз ва ширинликлар соғлигингизга зарар етказган бўлса унда Marie Claire нашрининг қуйидаги мақоласи айнан сиз учун.
Балансли диета тузинг ва унга риоя қилинг
Сизнинг диетангиз тўлиқ, яъни тана аъзолари учун зарур бўлган барча моддаларга бой эканига ишонч ҳосил қилинг. Сиз тўғри овқатланиш режимига амал қилишингиз, истеъмол қилаётган овқатларингизнинг таркибида эса ёғлар, оқсиллар, углеводлар етарлича бўлиши керак. Агар сиз уларнинг етарли эканига ишонч ҳосил қилсангиз, ушбу моддалар ортиқча истеъмол қилинмаса зарар келтирмайди ва сиздан ширинлик ўрнини босувчи бошқа «қўшимча»ни талаб қилади.
Етарлича сув ичинг!
Ушбу усул ундов белгиси билан ёзилган, чунки у нафақат ширинликхўрларга, балки барча одамларга тегишли. Кўпроқ сув ичинг, қанча кўп бўлса, шунча яхши. Шундай қилиб, сиз метаболизмни тезлаштирасиз, очликни сезмайсиз ва шу билан бирга ўзингизни «мазали нарса истеъмол қилиш» истагидан қутқарасиз.
Овқатланишлар орасида узоқ танаффуслар қилманг
Тез-тез овқатланинг. Гап шундаки, овқатланиш оралиғида узоқ вақт танаффус бўлганда, танага сигнал боради: унга имкон қадар кўпроқ углеводларни, шоколад ва бошқа «қувончларни» тезроқ тўплаш керакдек туюлади. Шунчаки овқатланишингизни тизимга солинг ва шунда ширинлик истеъмол қилиш истаги анча пасайганини дарҳол сезасиз.
Ширинликларни янги мевалар ва қуритилган мевалар билан алмаштиринг
Эсингизда бўлсин, меваларда тола ва фруктоза бор, улар ширин, мазали бўлиб, шоколад ёки бир бўлак ширинлик истеъмол қилишдан яхшироқ. Эрталаб 1-2 та мева истеъмол қилинг, лекин кўпроқ эмас. Агар сиз ҳар куни бир порция қуритилган мевани газак билан истеъмол қилсангиз, бир мунча вақт ўтгач, сизга нафақат шоколад керак эмаслигини, балки меваларнинг жуда ширин эканлигини тушуниб етасиз. Бироқ қуритилган меваларни назоратсиз ва кўп истеъмол қилиш танада калория, углевод миқдорини оширади ва бу шоколаддан хавфлироқ бўлиши мумкин.
Уйда ширинликлар пиширинг
«Агар бирор нарсани яхши қилишни истасангиз, буни ўзингиз қилинг» —, дейди Фердинанд Porsche ва бу ажойиб ибора бизнинг ҳолатимизга тегишли. Ўз қўлингиз билан пирог, торт ёки рулон тайёрланг, шунда сиз композицияни яхшилаб билиб оласиз ва истеъмол қилинган қўшимча калориялар ҳақида қайғурмайсиз.
Мавзуга доир:
Изоҳ (0)