LUKOIL компанияси ва Ўзбекистон Республикаси ўртасидаги ҳамкорликнинг 18 йиллиги нишонланади

2004 йил 9 июлда қудуқларни ўзлаштириш ва қуриш, табиий газ қазиб олиш, тозалаш ва қайтадан ишлаб, товар кўринишига олиб келгунга қадар фаолият олиб борувчи LUKOIL лойиҳаларининг оператори — LUKOIL Uzbekistan Operating Company МЧЖ ташкил этилди.

2004 йилнинг июнь ойида Ўзбекистон ҳукумати билан «Қандим» конлари гуруҳи участкаси, Хаузак ва Шоди участкалари бўйича маҳсулот тақсимотига оид битимнинг имзоланиши, Ўзбекистон Республикаси ва LUKOIL компанияси ўртасидаги ўзаро манфаатли ҳамкорликнинг бошланғич нуқтаси бўлди. Шартнома имзоланганидан кейин, бир ойдан сўнг LUKOIL Uzbekistan Operating Company операцион компанияси ташкил этилди.

LUKOIL компанияси мамлакатдаги йирик инвестор ҳисобланиб, юқори технологияли табиий газ қазиб олиш ва қайта ишлаш объектларини қуриш соҳасида лойиҳаларни муваффақиятли амалга оширмоқда. Бугунги кунга келиб, LUKOIL компаниясининг умумий инвестициялар ҳажми қарийб 8 миллиард долларни ташкил этади.

Жорий йилда LUKOIL компанияси ва Ўзбекистон Республикаси ўртасидаги ҳамкорликнинг 18 йиллиги нишонланади. Тарихий миқёсда олиб қараганда, бу қисқа вақт ичида LUKOIL компанияси фахрланадиган нарсалар бор — «Ҳисор» ва «Хаузак» гуруҳи конларини ўзлаштириш ишлари якунланди, ўз лойиҳаси ва технологик жиҳозланиши бўйича ноёб ҳисобланувчи Қандим газни қайта ишлаш комплекси фойдаланишга топширилди, Ўзбекистонда углеводород ресурсларини ишлаб чиқариш ва улардан фойдаланишнинг самарадорлиги оширилди, янги йирик ишлаб чиқариш корхоналари ташкил этилди, қуйидаги лойиҳалар амалга оширилмоқда.

Хаузак—Шоди

Лойиҳанинг биринчи ишга туширилган жойи — Бухоро вилоятидаги «Хаузак—Шоди» газ конида бурғилаш ишлари 2006 йилнинг ёзида бошланган. Кон 1967 йилда очилган, бироқ таркибида олтингугурт миқдори юқори бўлган газни қазиб олиш ва қайта ишлаш учун маблағ йўқлиги, шунингдек, оғир ўзлаштириш шароитлари туфайли участкалар тўхтатиб қўйилган. 2008 йилда бу ерда газ қазиб олишнинг лойиҳавий даражасига эришилди — йилига 3 миллиард куб метр газ қазиб чиқарилди, бу эса «Илк газ — Хаузак» лойиҳаси амалга оширилганлигини англатади.

2011 йил ноябрь ойида биринчи газ ишлаб чиқариш комплекси ишга туширилди ва Ғарбий Шоди участкасида газ қазиб чиқариш ишлари бошланди. Газ қазиб олиш ҳажми йилига 4 миллиард куб метргача ошди. 2014 йил охирида Хаузак участкасида Ўзбекистонда илк бор ўрнатилган сиқиб чиқарилувчи компрессор станциясининг ишга туширилиши LUKOIL компаниясининг ишлаб чиқариш фаолиятидаги муҳим воқеа бўлди, бу эса конда газ қазиб олиш даражасини 20 фоизгача оширишга имкон беради.

2015 йилнинг май ойида «Қувачи—Олот» кони ва «Денгизкўл» конининг Шимолий Шоди участкасида умумий қуввати йилига 2,2 миллиард куб метр газни қайта ишлашга мўлжалланган, газни олдиндан тайёрлаш қурилмаси (ГОТҚ) ишга туширилди, бу эса Муборак газни қайта ишлаш заводининг ишлаб чиқариш қувватларини тўлиқроқ юклашни амалга ошириш имконини беради.

Ҳисор

Бир вақтнинг ўзида Қашқадарё вилоятида ҳам бу борадаги ишлар изчил давом эттирилди. 2009 йилнинг апрель ойида Жануби-ғарбий Ҳисор ва Устюрт минтақаси ҳудудларида Ҳисор конлари гуруҳини ўзлаштириш бўйича кенг кўламли ишлар бошланди. 2011 йилнинг декабрь ойида «Жарқудуқ—Янги Қизилча» конида илк газ қазиб олинди. 2012 йилда конда газ қазиб олиш ҳажми лойиҳа даражасига етди — йилига 1,1 миллиард куб метр газ қазиб олинди.

2017 йилнинг сентябрь ойида қуввати йилига 4,4 миллиард куб метр бўлган газни комплекс тайёрлаш қурилмаси, шунингдек, 6 та газ йиғиш пунктлари фойдаланишга топширилди. Ушбу объектларнинг ишга туширилиши Ҳисорда газ қазиб олишни лойиҳа даражасига олиб чиқиш имконини берди.

Қандим газни қайта ишлаш комплекси

Марказий Осиёдаги йирик газ саноати объектларидан бири — бу LUKOIL компанияси томонидан Қоракўл туманининг олис чўл ҳудудида барпо этилган, замонавий муҳандислик ва транспорт инфратузилмасига эга бўлган Қандим газни қайта ишлаш комплекси алоҳида эътиборга лойиқ.

Йилига 8,1 миллиард куб метр газ ишлаб чиқариш қувватига эга бўлган кенг кўламли йирик комплекс рекорд даражада қисқа муддатларда — 2 йил ичида қуриб битказилди ва 2018 йилнинг 19 апрелида фойдаланишга топширилди. Ўз кўлами ва аҳамияти жиҳатидан бундай улкан лойиҳани амалга ошириш учун LUKOIL компанияси томонидан Ўзбекистонда биринчи марта жаҳонга машҳур компанияларнинг инновацион технологиялари қўлланилди. Ўзбекистонда биринчи марта газни қайта ишлаш комплексларига 3 та лицензиялаш жараёни жорий қилинди: OASE™ амин эритувчиси ёрдамида кислотали компонентларни йўқ қилишнинг технологик жараёни, SELEXOL™ регенерация — тиклашда газларни тозалаш ва SUPERCLAUS® олтингугуртини олишнинг технологик жараёнлари. Газни қайта ишлаш комплексини қуриш ва «Қандим» конлари гуруҳини ўзлаштиришга йўналтирилган инвестицияларнинг умумий ҳажми 3,5 миллиард доллардан ортиқни ташкил этади.

Қандим газни қайта ишлаш комплексининг ишга туширилиши вилоят инфратузилмасини ривожлантиришга катта туртки берди ва янги иш ўринларини яратиш, ёшларни замонавий ишлаб чиқаришга жалб қилиш имконини берди.

LUKOIL Uzbekistan Operating Company МЧЖ учун муҳим воқеа — ўтган йили жами қазиб олинган табиий газ кўрсаткичлари 100 миллиард куб метрга етганлиги ҳисобланади. Бу кўрсаткич Ўзбекистонда LUKOIL компаниясининг лойиҳалари муваффақиятли амалга оширилаётганидан дарак беради.

LUKOIL компаниясининг Ўзбекистон нефть-газ соҳасини ривожлантиришдаги хизматлари Ўзбекистон Республикасининг олий давлат мукофоти билан тақдирланди. Ўзбекистон Республикаси Президенти Шавкат Мирзиёев 2018 йилнинг 31 августида LUKOIL Президенти Вагит Алекперовни Ўзбекистонда нефть-газ комплексини ривожлантириш ва углеводород ресурсларидан фойдаланиш самарадорлигини оширишга қўшган улкан ҳиссаси учун давлат мукофоти — «Дўстлик» ордени билан тақдирлади.

18 йиллик давр мобайнида LUKOIL компанияси объектлари жойлашган ҳудудлардаги ижтимоий масалаларни ҳал этишга ўз ҳиссасини қўшиб келмоқда: янги иш ўринлари яратилмоқда, инфратузилма ривожланмоқда, бир қатор ижтимоий объектлар барпо этилди, таълим ва соғлиқни сақлашни қўллаб-қувватлаш бўйича умумий қиймати 25 миллион доллардан ортиқ хайрия лойиҳалари амалга оширилди. LUKOIL компанияси лойиҳалари туфайли республикада 2600 дан ортиқ киши иш билан таъминланди.

Бу йил LUKOIL Uzbekistan Operating Company МЧЖ ташкил топган куни мусулмонларнинг улуғ Қурбон ҳайити айёми билан бир кунга тўғри келди. Сизларни муқаддас Қурбон ҳайити байрами билан чин қалбимиздан табриклаймиз. Бутун Ўзбекистон халқига тинчлик, эзгулик ва фаровонлик тилаймиз.

Реклама ҳуқуқи асосида.