Ўзбекистонда 2022 йилнинг январь—июнь ойлари давомида Республика тез тиббий ёрдам хизматига келиб тушган 2727 та мурожаат ёлғон чақириқ деб баҳоланган. Бу ҳақда Соғлиқни сақлаш вазирлиги хабар қилди.
Қайд этилишича, кўрсаткич ўтган йилнинг айни шу даври билан таққослаганда қарийб 525 тага кам.
Таҳлиллар шуни кўрсатадики, жорий йилнинг ўтган олти ойи давомида энг кўп ёлғон чақириқ Тошкент вилоятида қайд этилиб, бу рақам 616 тани ташкил этган. Кейинги ўринда 394 та чақириқ билан Қашқадарё вилояти жойлашган. Шунингдек, Фарғона вилоятидан 391 та, Навоий вилоятидан 372 та ҳамда Тошкент шаҳридан 320 та ана шундай мурожаат келиб тушган.
Изоҳ (0)