Тошкент шаҳри Яккасарой туманида 5 июль куни иккита машинага урилган пиёда вафот этди. Бу ҳақда пойтахт Ички ишлар бош бошқармаси хабар қилди.
Қайд этилишича, 5 июль куни соат 00:05 ларда Яккасарой тумани Шота Руставели кўчасида ҳайдовчи З.Й. (1979 йилда туғилган) Hyundai Santa Fe автомашинасида ҳаракатланиб, белгиланмаган жойдан йўлни кесиб ўтаётган пиёдани уриб юборган. Зарба оқибатида пиёда йиқилган ва бир йўналишда ҳаракатланиб келаётган ҳайдовчи М.Х. (1983 йилда туғилган) бошқарувидаги Toyota тагида қолиб кетган.
ЙТҲ оқибатида пиёда B.С. (1980 йилда туғилган) олган тан жароҳатлари билан воқеа жойида вафот этган.
Ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисмида назарда тутилган жиноят аломатлари билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)