Россияга кетиб, ишга лаёқатсиз бўлиб қолган ўзбекистонлик ватанга қайтарилди. Бу ҳақда Ташқи меҳнат миграцияси агентлиги хабар берди.
Маълум қилинишича, бундан 11 йил аввал Россияга ишлаш мақсадида борган М.Г. айни пайтда оғир дардга чалиниб, ишга лаёқатсиз бўлиб қолган.
Фуқаро М.Г.га Ўзбекистоннинг Новосибирск шаҳридаги Бош консулхонаси, Ташқи меҳнат миграцияси агентлиги ҳамда Томск шаҳридаги «Дўстлик» ўзбек диаспора ташкилоти томонидан ёрдам кўрсатилиб, авиачипта олиб берилган. 4 июль куни Новосибирск—Тошкент йўналишидаги авиарейс орқали Ўзбекистонга қайтарилган.
Хабарда таъкидланишича, ушбу фуқарони Ўзбекистоннинг мутасадди ташкилотлари вакиллари кутиб олган бўлиб, тиббий хизмат кўрсатишга келишиб олинган.
Изоҳ (0)