Ижтимоий тармоқларда Бухоро вилояти, Когон туманида Damas кўзи ожиз аёлни уриб кетгани акс этган видео тарқалди. Ҳолат ҳақида вилоят ИИБ ахборот хизмати муносабат билдирди.
Таъкидланишича, 2022 йилнинг 4 июль куни Damas ҳайдовчиси кўзи ожиз кекса аёлни уриб кетган. Ҳайдовчи аёлни ўз автомашинасига олиб чиққан ва касалхонагача олиб бормай, шу яқин атрофдаги бошқа бир маҳаллада қолдириб кетган.
«Айни пайтда ҳодиса содир бўлган жой, вақт ва иштирокчиларнинг шахсига аниқлик киритилди. Тезкор равишда терговга қадар текширув ҳаракатлари ўтказилмоқда. Терговга қадар текширув натижалари юзасидан қўшимча маълумот берилади», — деди вилоят ИИБ ахборот хизмати раҳбари Шуҳрат Жалолов.
Изоҳ (0)