Rossiyaga 11 yil avval ishlash uchun borgan fuqaro O‘zbekistonga ishga layoqatsiz holda qaytdi

Rossiyaga ketib, ishga layoqatsiz bo‘lib qolgan o‘zbekistonlik vatanga qaytarildi. Bu haqda Tashqi mehnat migratsiyasi agentligi xabar berdi.

Ma’lum qilinishicha, bundan 11 yil avval Rossiyaga ishlash maqsadida borgan M.G. ayni paytda og‘ir dardga chalinib, ishga layoqatsiz bo‘lib qolgan.

Fuqaro M.G.ga O‘zbekistonning Novosibirsk shahridagi Bosh konsulxonasi, Tashqi mehnat migratsiyasi agentligi hamda Tomsk shahridagi “Do‘stlik” o‘zbek diaspora tashkiloti tomonidan yordam ko‘rsatilib, aviachipta olib berilgan. 4-iyul kuni Novosibirsk—Toshkent yo‘nalishidagi aviareys orqali O‘zbekistonga qaytarilgan.

Xabarda ta’kidlanishicha, ushbu fuqaroni O‘zbekistonning mutasaddi tashkilotlari vakillari kutib olgan bo‘lib, tibbiy xizmat ko‘rsatishga kelishib olingan.