Bugatti компанияси Этторе Бугфтти Эбега бағишланган Le’Ebe номи остидаги эксклюзив Chiron гиперкарига оид маълумотларни ошкор қилди. Бу каби версияда фақат уч нусха автомобиль ишлаб чиқарилади. Улар тўқ кўк углерод толали кузови, 24 қиротли олтин декори ва яратишга беш йил вақт кетган Macaron логотипи билан ажралиб туради. Деталь қўлда ишланган бўлиб, унга 10 соат вақт сарфланган, деб хабар беради Motor.
Овалсимон олтин Macaron логотипи устида беш йил давомида Бавариянинг Poellath GmbH & Co. устахонаси билан иш олиб борилган. Мутахассислар идеал нусхани олгунга қадар қимматбаҳо материал устида кўплаб лаборатория синовларини ўтказган. Chiron Le’Ebe логотипи оддий Chiron эмблемасидан никель билан қопланган кумуши орқали фарқланса-да, Bugatti уни янги деб аташни маъқул кўрмоқда.
Логотип қалинлиги 3-4 микрометрга тенг 24 қиротли олтин билан қопланган. У қўлда сепилади, шундан сўнг сайқалланади. Эътиборли жиҳати, барча операциялар қўлда бажарилади, шу сабабли битта логотипнинг ўзини ясашга 10 соат вақт кетади. Олтин билан, шунингдек, радиатор панжараси, капот ва EB монограммаси қопланган. Металлнинг гўзаллигини бузмаслик учун Bugatti ҳатто ҳимоя лакидан фойдаланишни истамаган.
Техник жиҳатдан Chiron Le’Ebe оддий моделлардан фарқ қилмайди. Гиперкар 1500 от кучини тақдим этувчи 8.0 литрли W16 ёрдамида ҳаракатга келади.
Аввалроқ Bugatti бренди «тақали» кроссовкаларини тақдим этганди.
Изоҳ (0)