Бугун,

  • USD 10940.05
  • RUB 182.26
  • EUR 11121.65

Фарғона вилояти Фарғона шаҳрида ноқонуний диний сабоқ берган шахс жаримага тортилди. Бу ҳақда вилоят Ички ишлар бошқармаси хабар қилди.

Фото: Фарғона вилояти Ички ишлар бошқармаси

Фото: Фарғона вилояти Ички ишлар бошқармаси

Қайд этилишича, 2 апрель куни вилоят ИИБ терроризм ва экстремизмга қарши курашиш бошқармаси ва Фарғона шаҳар ИИО ФМБ терроризм ва экстремизга қарши курашиш бўлими ҳамкорлигида тезкор тадбир ўтказилган. Тадбир давомида ноқонуний диний сабоқ бериш ҳолати фош этилган. Фарғона шаҳрида жойлашган ўқув марказларидан бирида араб тилидан дарс берувчи Т.М. исмли фуқаро (аёл) жами 19 нафар ўқувчига (8 нафари вояга етмаган) диний таълим бераётгани аниқланган. 8 дона махсус галаграммаларга эга бўлмаган ўқув қўлланмалари далилий ашё тариқасида олинган.

Ҳолат юзасидан фуқаро Т.М.га нисбатан тўпланган ҳужжатлар тегишли тартибда жиноят ишлари бўйича Фарғона шаҳар судига тақдим этилган. Суд томонидан унга базавий ҳисоблаш миқдорининг 7 баравари миқдорида жарима жазоси тайинланган.

Изоҳ
Асосий янгиликлар