Қутқарувчилар Тошкент вилоятининг Бўстонлиқ туманидаги тоғларда адашиб қолган беш кишига ёрдам берди. Бу ҳақда ФВВ матбуот хизмати хабар берди.
Маълум қилинишича, 30 июнь куни соат 00:30 да Тошкент вилояти Фавқулодда вазиятлар бошқармасининг Тезкор бошқарув марказига беш нафар фуқаро Бўстонлиқ туманидаги тоғларда йўлдан адашиб қолиб, пастга тушиб олишда ёрдам сўраб мурожаат қилган.
Келиб тушган мурожаатга асосан, манзилда адашиб қолган беш нафар фуқарони излаб топиш ва уларни қутқариш Белдерсой тоғининг Қумбелсой ҳудудида амалга оширилган. Қидирув-қутқарув ишларига Чимён ёнғин-қутқарув отрядининг бир гуруҳ қутқарувчилар жалб қилинди.
Қутқарувчиларнинг саъй-ҳаракатлари натижасида йўлдан адашган фуқаролар топилиб, соғ-саломат пастга олиб тушилган.
Изоҳ (0)