Тошкентнинг Сергели туманидаги айрим кўчалар Сергели туманида ёшлар кунига бағишланган картинг бўйича Ўзбекистон чемпионати ва биринчилиги мусобақалари ўтказилиши муносабати билан вақтинча ёпилади.
Туман ҳокимлиги хабарига кўра, 25 июнь куни соат 20:00 дан 26 июнь куни соат 23:00 гача янгитдан барпо этилган Файзли кўчасининг Обиҳаёт кўчаси кесишмасидан Қипчоқ кўчасидаги кўприк ости айлана йўл бўйлаб яна Обиҳаёт кўчаси кесишмасигача бўлган қисмида автомобиллар ҳаракати чекланади.
Шунингдек, Қипчоқ кўчасининг кўприк устидан Файзли кўчасига уланадиган қўшимча йўл ҳам вақтинча ёпилади.
«Вужудга келиши мумкин бўлган тирбандликларнинг олдини олиш мақсадида ҳайдовчиларга бошқа айланма йўллардан фойдаланишни тавсия этамиз», — дейилади ҳокимлик хабарида.
Изоҳ (0)