Инфляция Европа бизнесига қандай таъсир қиляпти?

Европадаги ишбилармонлик фаоллигининг ўсиши июнь ойида кескин секинлашиб, Россиянинг Украинадаги уруши иттифоқни таназзулга олиб келиши мумкинлиги ҳақидаги хавотирларни кучайтирди. Бу ҳақда Financial Times хабар берди.

S&P Global’нинг таъкидлашича, ишбилармонлик фаоллигини ўз ичига олган Европадаги харид менежерлари индекси 16 ойлик энг паст даражага тушиб кетган.

Ишлаб чиқариш ва янги буюртмалар пасайган, компаниялар юқори инфляция, заиф талаб ва сиёсий ноаниқликдан шикоят қилмоқда.

Бу янгилик пайшанба куни Европа акция индексларини пасайтирди, трейдерларни Европа Марказий банки бу йил фоиз ставкаларини қанчага ошириши ҳақидаги пул тикишларини қисқартирди ва бу давлат облигациялари нархини оширди.

Иқтисодчиларнинг фикрича, Россия Европага табиий газ етказиб беришни чеклаб қўйгани, рекорд даражадаги инфляция истеъмол харажатларини камайтиргани ва ECB фоиз ставкаларини оширганлиги сабабли, бу йил охирида Европа рецессияга тушиб қолиши мумкин.

PMI маълумотлари иқтисоднинг тўхтаб қолиш эҳтимоли кутилганидан тезроқ келиши мумкинлигини кўрсатди. Агар Россия Европага табиий газ етказиб беришни сезиларли даражада қисқартиришда давом этиб, потенциал танқисликни юзага келтирса, рецессия эҳтимоли ошади.

Нарх индекслари жуда кучли бўлиб қолганига қараганда, Европа стагфляция даврига кирган кўринади, — деди Capital Economicс иқтисодчиси Жек Аллен-Рейнолдс.

Аввалроқ Европа асосий ставкани оширмаса, янада оғир иқтисодий зарар кўриши мумкинлиги ҳақида хабар берилганди.