АҚШда уй муаммоси: ипотека ставкалари 2008 йилдан бери энг юқори даражага чиқди

Америка кўчмас мулк бозорида йил бошида вазият анча яхши эди. The Wall Street Journal нашри қандай қилиб аҳвол ёмонлашганини таҳлил қилди. 

Америка Риэлторлар миллий ассоциацияси маълумотлари уй-жой сотиб олиш имконияти, ипотека ставкалари, уй-жой нархлари ва уй хўжаликлари даромадига асосланган ҳолда, апрель ойи ҳолатига кўра, мавжуд уйлар 2007 йил июль ойидан буён энг кам нархда бўлганлигини кўрсатди. 

Ўтган ҳафтада АҚШда 30 йиллик қатъий ипотека бўйича ўртача ставка ҳафтасига 5,23 фоиздан 5,78 фоизга кўтарилди. Январь ойида бу кўрсаткич 3,45 фоиз эди ва 1990 ва 2000 йиллардагидан кўра яхшироқ эди. 

Охирги марта ипотека ставкалари 2008 йилда ҳозиргидек юқори бўлган эди. Ўшандан бери уй сотиб олган ҳар бир америкалик ҳозиргидан кўра яхшироқ ставкада уй олди. 

Бундан ташқари, 2008 йилдан бери қайта молиялашнинг бир неча тўлқинлари бўлиб ўтди, охиргиси пандемия даврида, ўртача ипотека ставкаси 2,65 фоизга тушиб кетган. 

Прогнозларга қараганда кейинги ойларда ипотека ставкалари янада ошиши мумкин. Америкадаги уй стови ҳам май ойида апрелга қараганда 5,6 миллиондан 5,4 миллионга тушиб кетди. 

Ипотека ставкаларининг баландлиги кўплаб одамларни вазиятни яхшиланишини кутиб туришга мажбур қилмоқда.