Ижтимоий тармоқларда мултирадар билан жиҳозланган Nexia-3 йўл-транспорт ҳодисасига учрагани ҳақида хабарлар тарқалди. Наманган вилояти Йўл ҳаракати хавфсизлиги бошқармаси ҳолатга муносабат билдирди.
Қайд этилишича, ЙТҲ 23 июнь куни соат 12:20 ларда Наманган шаҳар «Ровустон» МФЙ ҳудудидан ўтган 4Р-112 Фарғона ҳалқа йўли автомобиль йўлининг 79-километрида содир бўлган. Вилоят ЙҲХБ ҳайдовчи-оператори сафдор О.Раҳмонов ўзига хизматда фойдаланиш учун бириктирилган мобил радар қурилмаси ўрнатилган Nexia-3 (01 743 HJA давлат рақам белгили) автомашинасини бошқариб бораётиб, светафорнинг қизил чироғида тўхтаб турган Lacetti автомашинаси орқа қисмига урилган.
Тўқнашув оқибатида ҳар иккала автомобиль техник шикастланган. Тан жароҳати олганлар йўқ.
Ҳозирда ушбу ҳолат юзасидан тегишли ҳужжатлар расмийлаштирилиб, дастлабки суриштирув ҳаракатлари олиб борилмоқда.
Изоҳ (0)