Ijtimoiy tarmoqlarda multiradar bilan jihozlangan Nexia-3 yo‘l-transport hodisasiga uchragani haqida xabarlar tarqaldi. Namangan viloyati Yo‘l harakati xavfsizligi boshqarmasi holatga munosabat bildirdi.
Qayd etilishicha, YTH 23-iyun kuni soat 12:20 larda Namangan shahar “Rovuston” MFY hududidan o‘tgan 4R-112 Farg‘ona halqa yo‘li avtomobil yo‘lining 79-kilometrida sodir bo‘lgan. Viloyat YHXB haydovchi-operatori safdor O.Rahmonov o‘ziga xizmatda foydalanish uchun biriktirilgan mobil radar qurilmasi o‘rnatilgan Nexia-3 (01 743 HJA davlat raqam belgili) avtomashinasini boshqarib borayotib, svetaforning qizil chirog‘ida to‘xtab turgan Lacetti avtomashinasi orqa qismiga urilgan.
To‘qnashuv oqibatida har ikkala avtomobil texnik shikastlangan. Tan jarohati olganlar yo‘q.
Hozirda ushbu holat yuzasidan tegishli hujjatlar rasmiylashtirilib, dastlabki surishtiruv harakatlari olib borilmoqda.
Izoh (0)