Ижтимоий тармоқларда Қорақалпоғистон Республикасининг Чимбой туманида IT танлови ғолибига «Пилот» (удлинитель) совға қилингани ва бу кулгига олингани ҳақида хабарлар тарқалди. «Дарё»га маълум бўлишича, IT танлови ғолибига «пилот» совға қилингани рост.
Чимбой тумани ҳокимлигининг 20 июнь кунги маълумотига кўра, туманда ёшлар ойлиги доирасида 15—25 ёшли иштирокчилар орасида «IT билимдони» танловининг туман босқичи ўтказилган. Унда 60 нафардан зиёд ёшлар иштирок этган.
Танлов якунига кўра, Мақсим Жумабаев, Мийрибек Айтмуратов, Дамир Аскербаев, Қалмуратов Азаматлар ғолиб ва совриндорлар қаторида тақдирланган. Ижтимоий тармоқда тарқалган суратдаги йигит шу иштирокчиларнинг бири бўлиб, совриндорлар қаторида бўлган ва унга ҳам «Пилот» ва сертификат берилган.
Қўшимча қилинишича, ушбу танловни Ёшлар ишлари агентлиги ва IТ парк ташкил қилган. Чимбой тумани ҳокимлигининг расмий хабарига илова қилинган суратда танлов ғолиб ва совриндирларига сертификат, «Пилот», клавиатура ва компьютер сумкаси берилганини кўриш мумкин. Унда эса «Пилот» бошқа иштирокчига берилганини англаш мумкин.
«Дарё» журналисти ҳозирда воқеанинг қўшимча тафсилотларини ўрганиш учун Чимбой туманида бўлиб турибди.
Изоҳ (0)